ئێکەتیا مامۆستایان: ل نێزیک ترۆمبێل ب قست بۆ مامۆستایان دێ ھێنەدان
ئەڤرۆ نیوز:
جێگرێ سەرۆکێ ئێکەتیا مامۆستایێن کوردستانێ دیار کر، ئەو ل ڤان نێزیکان دانا ترۆمبێلان ب شێوێ قست بۆ مامۆستایان دێ راگەھینن و دبێژیت: مە داخواز کریە ل دووڤ شریعەتێ ئیسلامێ بیت.
عەتا ئەحمەد، جێگرێ سەرۆکێ ئێکەتیا مامۆستایێن کوردستانێ خویا ژی کر کو چەند پێنگاڤەکێن بچووک ماینە کو ئەڤ پرۆژە بکەڤیتە د وارێ ب جھئینانێ دا و بۆ کوردستان ٢٤ گۆت: “پێنج جۆرێت ترۆمبێلێن تویۆتا، ژبلی لاندکرۆزێ نە و ب شێوێ قست بۆ مامۆستایان دێ ھێنە دان”.
جێگرێ سەرۆکێ ئێکەتیا مامۆستایان ل دۆر مەرج و رێنمایێن دانا ترۆمبێلان ب شێوێ قست بۆ مامۆستایان گۆت: “کۆمپانی دبێژیت ب قستێ ٣٦ ھەیڤان، لێ مە داخوازا قستێ ٤٠ ھەیڤان کریە، دیسا مە داخواز کریە کو رێژا زێدەھیێ ژ ٦% بیت و ل دووڤ شریعەتێ ئیسلامێ بیت”.
گۆتژی: “قستێ دانا ھەیڤانە دێ د گەل دانا مووچەی دا بیت و ل شوونا مامۆستا خانی یان مۆلکەکی بکەتە رەھینە، ب تنێ مامۆستا پێدڤی ب کەفیلەکێ مووچە خۆر ھەیە”.