حوكمه‌تا هه‌رێما كوردستانێ رۆهنكرنه‌كێ به‌لاڤ دكه‌ت
ئه‌ڤرۆ نيوز:
حوكمه‌تا هه‌رێما كوردستانێ ئه‌ڤرۆ پێنجشه‌مبى 18/7/2019 راگه‌هاند، روودانا ته‌قه‌كرنا دوهى يا هه‌ولێرێ، كرياره‌كا تيرۆرستى يا ئارمانجدار وپلان بۆ دارێشتى بوو.
جوتيار عادل، په‌يڤدارێ حوكمه‌تا هه‌رێما كوردستانێ د رۆهنكرنه‌كێ دا به‌لاڤكر” ل دووڤ ڤه‌كۆلينێن ده‌ستپێكه، روودانا ته‌قه‌كرنا هه‌ولێرێ ل رۆژا 17 ته‌مووزا 2019 كو بوو ئه‌گه‌رێ گيان ژ ده‌ستداا سێ كه‌سان، كرياره‌كا تيرۆرستى يا ئارمانجدا وپلان بۆ دارێشتى بوو”.
دياركر ژى” ڤه‌كۆلين يا به‌رده‌وامه وپێشڤه‌چوون تێدا يا هه‌ى ول ڤان نێزيكان دێ وه‌لاتيان ل دۆر قۆناغێن ڤه‌كۆلينى ئاگه‌هدار كه‌ين”.