ئۆباما خوه بۆ هێرش كرنا سه‌ر داعش ئاماده دكه‌ت
سه‌رۆكێ ئه‌مه‌ریكا باراك ئوباما سوز دا كو دێ كاری ل گه‌ل كوماریان و دیموكرتان كه‌ت ژ بۆ ده‌ستوورنامه‌كا فه‌رمی بۆ بكارئینانا هێزا له‌شكری ل دژی توندره‌وێن داعش.
ئه‌ڤ ئێكه هات پشتی كومبوونه‌كی ل گه‌ل سه‌ركردێن كونگرێسێ ئه‌مريكى ژ هه‌ر دو پارتیان ل كوچكا سپی.
هه‌ر وه‌سا رێڤه‌به‌ریا ئوباما دبێژیت: “بكارهێنا هێزێن ئاسیمانی بۆ لێدانا ڤان توندره‌وان ل سووریا و عیراقێ ل سه‌ر بنه‌مایێ ده‌ستوورنامه‌كا فه‌رمیه كو ل ده‌ما سه‌رۆكاتیا جورج ده‌بلیۆ بۆش د شه‌رێ عیراقێ دا هاتیه وه‌رگرتن بۆ شه‌رێ رێكخراوا قاعیده”.
ژ لایێ حوه ڤه كوچكا سپی راگه‌هاندیه كو سه‌رۆك یێ مه‌جبووره كو ل گه‌ل ئه‌ندامێن هه‌ر دو پارتان كار بكه‌ت بۆ ده‌رخستنا ده‌ستوورنامه‌كی نوو كو رێ پێ بهێته دان هێزا له‌شكری بكار بينيت و دبیت كو كونگرێس ژی ره‌زامه‌ندیێ ل سه‌ر بده‌ت، بۆ كو ژ جیهانێ را بده‌ته خویاكرن كو ئه‌مه‌ریكا ب گشتی ئێكه د شه‌رێ دژی داعش دا.
