دبیت داعش ب رێیا بارمته‌یان زیانێ بگه‌هیننه ساخله‌میامه
ل گه‌ل هاتنا چه‌كدارێن توندره‌ویێن داعش یا ب ناڤێ ده‌وله‌تا ئیسلامی ل عێراقێ و شامێ هه‌ر ژده‌ستپێكا هاتنا وان بۆ ناڤ ئاخا سووریایێ و پاشی عێراقێ و هه‌رێما كوردستانێ روو ب رووی شه‌ڕی بووی، ب ده‌هان كه‌سێن بسپۆرێن له‌شكری و زانستی د وارێن جودا جودا قه‌ستا ناڤ رێزێن داعشێ كرینه و هه‌ژماره‌كا به‌رچاڤ یا وه‌لاتێن دونیایێ د ناڤا چه‌كدارێن داعش دا هه‌نه و به‌رهه‌ڤن ب هه‌می ره‌نگ و ته‌كتیكان شه‌ڕی ل دژی مرۆڤاتیێ بكه‌ن.
سه‌ره‌رایی كو ل چه‌ندین جه و ده‌ڤه‌رێن عێراقێ و سووریێ چه‌كێن كیمیایی بكارئیناینه هه‌تا ل رۆژئاڤایێ كوردستانێ ژی ل باژارۆكێ كۆبانی ژی ده‌نگۆیێ بكارئینانا چه‌كی كیمیایی هه‌بوو، ببوو مانشێتێن رۆژنامان، هه‌روه‌ك من ل ده‌سپێكێ ئاماژه پێدایی كو داعش به‌رهه‌ڤه ب هه‌می ره‌نگان و ته‌كتیكان شه‌ڕێ خوه ل هه‌مبه‌ری دوژمنێ خوه بكه‌ت هه‌روه‌كی گه‌له‌ك جاران كارێن وان یێن سیخۆریێ هاتینه ئاشكه‌راكرن كو د به‌رنامێ وان دایه هه‌تا ب رێیا ئاڤا ڤه‌خوارنێ بیت دێ ژه‌هره‌كه‌ن داكو بشێن كونترۆلا وان جه و ده‌ڤه‌ران بكه‌ن یێن وان بڤێن داگیر بكه‌ن، ب هزرا داعش وه‌ك بیروباوه‌ر یان دڤێت ل سه‌ر په‌ریره و سیسته‌مێ وان برێڤه بچی یان ژی به‌روڤاژی دێ سه‌رێ ته ب شیری ئێته برین ئانكو ژیان ب هه‌ردو ره‌نگان یا ب مه‌ترسیه ئه‌ڤجا داعش هزرێ ل چ دكه‌ت نه‌خاسمه وه‌كی دیار ب هه‌می ره‌نگ و جۆرێن مرۆڤان ژ وه‌لاتێن جۆرا و جۆر قه‌ستا ناڤ رێزێن وان كرینه و دبیت گه‌له‌ك ژ وان تووشی نه‌خۆشیێن ڤه‌گر ببن به‌ری بێنه د ناڤ واندا مینا نه‌خوه‌شیا (په‌رسیڤا بالندا و به‌رازی و ئیبۆلا و ئایدزێ) یێ هه‌ر وه‌كی چاڤكانیا ئاماژه پێدایی ل ده‌مێ بووری دا داعش هنده‌ك چه‌كدارێن خوه كوشتینه ژبه‌ر نه‌خوه‌شیا ئیبۆلایێ ژ مه‌ترسیا ڤه‌گرا وان بۆ هه‌ڤالێن د ناڤ رێزا وان دا وه‌كی دیار نوكه ئه‌م یێن ل وه‌زرێ زڤستانێ دا و ئه‌ڤ نه‌خۆشیه ژی گه‌له‌ك هاریكاره بۆ به‌لاڤبوونێ و ڤه‌گرتنێ و تشتێ بۆ من بوویه جهێ گومانێ ئه‌و بارمته‌یێن ئێزدی چاوا ژبال چه‌كدارێن خوینمێژ و دوور ژهه‌ر پره‌نسپێن مرۆڤاتیێ بێ مه‌رج هاتنه ئازادكرن، ره‌نگه كۆ ئه‌م بێژن نه‌شیان خودان كه‌ن یان ژی بێژن مانێ په‌ككه‌فتی و دانعه‌مربوون، لێ ئه‌ڤ چه‌نده نابیته جهێ باوه‌رپێكرنێ، چونكو ل ده‌ف وان كوشتن گه‌له‌كا ب ئاسانه و چ بهایێ خوه ژی نینه و گه‌له‌ك جاران هه‌ڤال و ئه‌میرێن خوه‌یێن عه‌زیز كوشتینه ژبه‌ر ڤێ ئه‌ز ب گومان كه‌فتم بۆچی ئه‌و كه‌سه ب ساناهی و بێ مه‌رج هاتنه ئازادكرن خوینده‌ڤانێن به‌رێز شاش د بابه‌تی نه‌گه‌هن ب ئازادكرنا وان كه‌یف خوه‌شم وه‌كو باب و برایێن من هاتینه ئازادكرن، ژبه‌ر ئه‌وا من ل سه‌ری ئاماژه پێ دایی گه‌له‌كا گرنگه تێمێن ساخله‌میێ دگه‌ل پێشمه‌رگه‌ی دا هه‌بن به‌ری و ده‌م ل ده‌ست بێنه پشكنین كرن، دیسا هه‌ر ده‌ملده‌ست بۆ نێزیكترین نه‌خۆشخانه بهێنه ره‌وانه‌كرن و پشتراست ببن ژ ساخله‌میا وان پاشی بهێنه ره‌وانه‌كرن بۆ جهو وارێن وان یان ژی كه‌مپان و گه‌له‌كا گرنگه وه‌زاره‌تا ساخله‌میێ ب هه‌ما هه‌نگی ل گه‌ل وه‌زاره‌تا پێشمه‌رگه‌یی ڤی بابه‌تی ب رژدی وه‌ربگرن و لێژنه و تیمێن ساخله‌میێ ل سه‌ر سنۆران بێنه پێك ئینان و كونترۆلا سنۆرێن هه‌رێمێ ژ لایێ ساخله‌میێ ڤه بهێته كرن، چونكو دبیت ئه‌ڤ سیناریۆیه د به‌رده‌وام بن و شه‌ڕه‌كێ ڤایرۆسی ب رێیا ته‌كتیته‌كا نوو یا هه‌رێما كوردستانێ تووش ببیت، چونكو داعش به‌رهه‌ڤه ب هه‌می ره‌نگان شه‌ڕی مه بكه‌ت ب ئاڤێ و هه‌وایی بیت ب چه‌كی بیت ب مرۆڤان بیت یا گرنگ تێكدان و نه‌مانا كوردان ئێك ژ ئارمانجێن سه‌ره‌كی یێن ده‌وله‌تا توندره‌وا داعشه .
