هه‌سه‌ده و رووسيا و ئه‌سه‌د رێككه‌فتن
ئه‌ڤرۆ نيوز:
هێزێن سووريا ديموكرات (هه‌سه‌ده) و رووسيا رێككه‌فتن ل سه‌ر چوونا له‌شكرێ رژێما به‌شار ئه‌سه‌د بۆ باژێرێ كۆبانى.
هه‌سه‌ده و رووسيا، ل دووڤ كوردستان 24، رێككه‌فتن ل سه‌ر راده‌ستكرنا باژێرێ كۆبانى بۆ هێزێن رژێما به‌شار ئه‌سه‌د، ئه‌ڤ چه‌نده ژى بۆ پاراستنا وێ يه ژ له‌شكركێشيا توركيا و رێ گرتن ل ئه‌نجامدانا كۆمه‌لكوژيێن زێده‌تر دژى وه‌لاتيێن سڤيل.
ژ لايێ خوه‌ڤه به‌رپرسێن ئيدارا باكوور و رۆژهه‌لاتا سووريێ راگه‌هاند كو ل گه‌ل حوكمه‌تا سووريێ رێككه‌فتنيه كو له‌شكرێ سوورى بزڤريت بۆ كۆبانى.
ل دووڤ پێزانينان نوكه هێزێن رژێما ئه‌سه‌د ل ناڤ باژێرێ منبج دانه.
هه‌ر ل ئێڤاريا ئه‌ڤرۆ دوشه‌مبى ئه‌مركيا راگه‌هاند كو يا ئاگه‌هداره ل سه‌ر رێككه‌فتنا كوردان ل گه‌ل رووسيا و سووريێ، له‌وما هێزێن خوه ل وان ده‌ڤه‌ران ڤه‌كێشا.
