نێچيرڤان بارزانى ل گه‌ل به‌رپرسێن عيراقى كاودانێن به‌غدا و هه‌رێمێ گه‌نگه‌شه دكه‌ت
ئه‌ڤرۆ نيوز، نيوار محه‌مه‌د سه‌ليم:
سه‌رۆكێ هه‌رێما كوردستانێ ئه‌ڤرۆ رۆژا چارشه‌مبى ب سه‌ره‌دانه‌كێ گه‌هشته به‌غدا يا پايته‌ختێ عيراقێ ب مه‌ره‌ما روونشتن ل گه‌ل هه‌ر ئێك ژ سه‌رۆك كۆمار، سه‌رۆك وه‌زير و سه‌رۆكێ جڤاتا نوونه‌ران.
نێچيرڤان بارزانى سه‌رۆكێ هه‌رێما كوردستانێ د روونشتنا خوه يا ئێكێ دا ل گه‌ل عادل عه‌بدولمه‌هدى يێ سه‌رۆك وه‌زيرێن عيراقێ كۆمبوو و به‌حس ل په‌يوه‌نديێن ناڤبه‌را هه‌رێمێ و به‌غدا كرن.
د ته‌وه‌ره‌كێ دى يێ روونشتنا خوه دا، به‌حس ل ره‌وشا به‌غدا و پارێزگه‌هێن باشوورێ عيراقێ و ره‌وشا خوه‌نيشاندانێن عيراقێ كرن و ئه‌و ره‌وشا نها عيراق تێدا ده‌رباز دبيت.
پاشان سه‌رۆكێ هه‌رێما كوردستانێ ل گه‌ل محه‌مه‌د حه‌لبۆسى، سه‌رۆكێ جڤاتا نوونه‌رێن عيراقێ كۆمبوو ب هه‌مان مه‌ره‌م و بڕياره ل سه‌ر گه‌ل به‌رهه‌م سالح يێ سه‌رۆك كۆمار ژى بۆ هه‌مان مه‌ره‌م كۆم ببيت.
ئه‌ڤه سه‌ره‌دانا دويێ يا نێچيرڤان بارزانى يه بۆ به‌غدا پشتى ده‌ست ب كار بوونا وى وه‌كو سه‌رۆكێ هه‌رێما كوردستانێ. د گۆتارا خوه يا ده‌ستپێكا ده‌ست ب كاربوونێ ژى سۆزا چاره‌كرنا په‌يوه‌نديێن ناڤبه‌را هه‌رێما كوردستانێ و به‌غدا دا دابوو.
