په‌كه‌كه و پرۆژێ كانتۆنان
هه‌كه دان ب سیاسه‌تا وێ هاته دان دێ 1000 هزار كانتۆنان ل كوردستانێ په‌یداكه‌ن
په‌كه‌كه ل ده‌سپێكا كارێ خوه‌ه یێ سیاسی ئارمانجا خوه ب كوردستانا مه‌زن رادگه‌هاند و پروپاگنده دكرن, پاشی د خه‌یالا خوه‌دا كۆمارا زاب دامه‌زراند و ل ئه‌ورۆپا په‌رله‌مان و ل كه‌تواری چ هه‌بوون نه‌بوو, پاشی هێدی هێدی كێرڤێ داخوازیا بچووك بوون, بوونه كانتۆن و خوه‌سه‌ریی و مافێن ره‌وشه‌نبیری هتد.. , دوور ژ دۆزا نیشتمانی و خاكا كوردستانێ, چونكی وان پرۆژێ نه‌ته‌وه‌یی و نیشتمانی ژ ده‌ست دایه, لێ وه‌ك پارته‌كا ئایدیولۆژی هه‌ول دده‌ت هند بیرو پرۆگرامێ خوه ب هنێرته ژده‌رڤه‌ی باكۆرێ كوردستانێ و ل پارچێن دی به‌لاڤ كه‌ت و پشتی راگه‌هاندنا كانتۆنێن رۆژئاڤایێ كوردستانێ ئه‌ودبیژنێ (رۆژئاڤا)ێ ب ناڤێ كوردستانێ, خوه‌سه‌پاندنێ و دیكتاتۆریێ و رێ نه‌دان ب بیروباوه‌رێن ئازاد و پارتێن دی یێن سیاسی, ئه‌ڤ مودێلا كانتۆنان كو بچووكترین مافێن سیاسی و كارگێری تێدانه و ب چ ره‌نگان ناڤێ كوردستانێ ل سه‌ر ڤان كانتۆنان نینه ل سه‌رخاترا چاڤێن ده‌وله‌تا توركی و سووریێ و دیسا دا بێژن وان داخوازا مه ئه‌ڤ مودێلا ده‌ستهه‌لاتیێ یه و چ ره‌نگان كارتێكرنێ ل سه‌ر توركیا و سووریێ ناكه‌ت دیسا كوردستان چار پارچه بوو, ئه‌ڤه مه‌كر شه‌ش پارچه كو سیاسه‌تا په‌كه‌كێ ێ داگیركرنا كوردستانێ و پارچه‌كرنا كوردستانێ یه، لێ نه ژ لایێ داگیركه‌ران ڤه به‌لكی ژ لایێ په‌كه‌كێ ڤه و پلانه‌كا نێڤده‌ولی هه‌كه دان ب سیاسه‌تا وێ هاته دان دێ 1000 هزار كانتۆنان ل كوردستانێ په‌یداكه‌ن دێ هه‌می باژێرو قه‌زا و ده‌ڤه‌دارێن كوردستانێ و عه‌شیره‌تان ژی دێ كانتۆنا خوه هه‌بیت ئانكو دێ هه‌می تشت هه‌بیت تنێ ناڤێ كوردستانێ نابیت, په‌كه‌كه بیێ رێزگرتن ل دستوورێ عێراقێ كو 80% ل خه‌لكێ عێراقێ و هه‌رێما كوردستانێ ده‌نگێ ل سه‌ر سسته‌مێ فیدرال دایه شنگالێ، قایمه‌قام و جڤاتێن خوه یێن شه‌رعی و ب ده‌نگدان هه‌نه ئه‌ڤ مایتێكرنه دستووردانه د كاروبارێن هه‌رێمێ و هه‌وله‌كا ژبۆ ڤه‌قه‌تاندنا ده‌ڤه‌را شنگالێ ژ كورستانێ كو ب درێژیا بزاڤا رزگاریخوازا كوردستانێ و ب درێژیا شۆره‌شێن خوه رووبارێن خوینێ و شه‌هیدان داینه ده‌م ده‌مێ ئێكگرتنا هێزێن كوردستانێ یه ل به‌رامبه‌ر نه‌یارێن كوردستانێ هێشتا شنگال ب دروستی رزگار نه‌بوویه، په‌كه‌كه یا هاتی بۆ هاریكاریا خه‌لكێ شنگالێ ژ تیرۆرستان ده‌مێ شنگال رزگار دبیت دڤێت په‌كه‌كه ژی هێزێن خوه ڤه‌كێشیت و رێزێ ل ئیراده و سسته‌مێ فیدرالی كو خه‌لكی هه‌لبژارتی بگریت، بلا هه‌ول بده‌ت ئه‌و سسیته‌مێ ل پرۆگرامێن خوه دا ل باكوور ئه‌نجامدده‌ت هه‌ر چه‌نده ئه‌و سسیته‌م ب چ ره‌نگان ل داخوازێن كوردستانیان نینه, په‌كه‌كه دووره ژ پرۆژه و چاره‌سه‌ریێن نه‌ته‌وه‌ی و چاره‌سه‌ریا كێشا رزگاركرنا ئاخا كوردستانێ نه, لێ ته‌نێ هنده درووشمێن ته‌یسۆك و ڤالا هه‌نه و چ چاڤرۆنی ژبۆ دۆزا گه‌لێ كوردستانێ نینه و خوه‌سه‌پاندنا سسته‌مێن شكه‌ستی و سه‌رنه‌كه‌فتیه، دیسا د وان راگه‌هاندنێن خوه دا ئێزدیان ب گه‌ل ناس دكه‌ن گه‌لێ ئێزدی ئه‌ڤه ژی ڤه‌قه‌تیانه‌كا دی یه ژ گه‌لێ كوردستانێ, دیاره كارگه‌هێن په‌كه‌كێ یێن به‌رده‌وام دكاری دا ژ بۆ چێكرن و كۆپیكرنا كانتۆنان و كۆپیكرنان و دیسا كۆپیكرنا چه‌ندین بالێن له‌شكری (یه‌په‌كه, یه‌په‌ژه, یه‌په‌شه و. . هتد, دیاره ژی پشتی شنگالێ دێ كانتۆنا سلێمانیێ و قه‌ندیلی ژی هێته چێكرن ئانكو پرۆژێ په‌كه‌كێ تێكدانا ئیك رێز و ئێكگرتنا گه‌لێ كوردستانێ و دوورخستن ژ خه‌ونا پرۆژێ ده‌وله‌تا كوردستانێ یه.
