رێكا سه‌ره‌كی یا كه‌مپا خانكێ هاته قێركرن
ئه‌ڤرۆ نیۆز، ئه‌میر ئه‌ترووشی
ب ئاماده‌بوونا هاریكارێ پارێزگارێ دهۆكێ بۆ كارۆبارێن ئاواره و په‌نابه‌ران، رێكا سه‌ره‌كی یا كه‌مپا خانكێ هاته ڤه‌كرن.
ئه‌ندازیار حه‌مود غه‌ربی، سه‌رۆكێ باژێرڤانیا خانكێ بۆ ئه‌ڤرۆ نیۆز دیار كر، ئه‌ڤ رێكه ژ هه‌یڤا 10 یا سالا 2019 ده‌ست ب كارێ چێكرنێ هاتیه كرن كو ب پشته‌ڤانیا دراڤی یا رێكخراوا UNHCR و جێبه‌جێكرنا رێكخراوا ACTED ب رێكا كۆمپانیا ئادارۆك و ب هه‌ماهه‌نگی دگه‌ل بۆردێ كاروبارێن مرۆڤایه‌تی كو ب درێژاهیا 650م و فره‌هیا 7م و ب كوژمێ 60000 شێست هه‌زار دۆلارێن ئه‌مریكی هاته قێركرن.
دیاركر ژی، ب رێكا چه‌ندین رێكخراوان كار ل سه‌ر ئه‌نجامدانا چه‌ندین پرۆژێن دیتر یێ رێكا دهێته كرن ژ وان پرۆژان: پرۆژێ رێكا كه‌مپا قادیا، پرۆژێ جادێ ناڤخۆیی یێ كه‌مپا شێخان، گرێدانا هه‌ردوو كه‌مپێن دۆمیز1 و دۆمیز دوو، ئارمانجا ئه‌نجام دانا ڤان پرۆژان زێده‌تر باشكرنا ره‌وشا ژیارا ئاواران و په‌نابه‌رایه ل پارێزگه‌ها دهۆكێ.
