وانه ژ رێزگاركرنا كۆبانێ
پاش شه‌ڕێ پتر ژ133 رۆژان ئیرۆ 27-1-2015 رێزگاركرنا باژێرێ كۆبانێ ژ چه‌ته و تێرۆرستێن داعشێ هات راگه‌هاندن، كۆبانێ بوو سمبولا خوه‌راگرتن و به‌رخوه‌دانێ ل سه‌رانسه‌ری وه‌لاتێ سووریا و جیهانێ، هه‌تا راده‌یه‌كێ كو ناڤێ كۆبانێ ل گه‌له‌ك ده‌ڤه‌ر و مه‌ندالان بوو ل سه‌رانسه‌ری كوردستانێ و وه‌لاتێن دن ژی،
هه‌لبه‌ت نووچه‌یا رزگاركرنێ شرینه، لێ پێدڤیه كو ئه‌م ناسبكن كۆبانێ باژاره‌ك برینداره و هین برینێن وێ ده‌رمان نه‌بوونه و كاره‌كی مه‌زن دڤێ ـ د نه‌رینا من ده ژ كارێ شه‌ڕ چه‌تنتره ـ دا كو ئه‌م ره‌وش و خه‌ملا كۆبانێ و كۆبانیان ڤه‌گه‌ره مینا به‌رێ، ژ وانه و ده‌رسێن كۆبانێ سود و هۆشمه‌ندیێ بگرن.
ژ ده‌ستپێكا شۆره‌شا گه‌لێن سووریا لایه‌نه‌كێ كوردی ده‌ستێ خوه دانی سه‌ر ده‌ڤه‌رێن كوردی و ئه‌و ده‌ڤه‌ر برێڤه‌برن. ته‌ڤده‌م ب پارتیا په‌یه‌ده و رێخستنێن ب سه‌رڤه ته‌ڤی هێزا له‌شكری ل گۆری ئیدیۆلۆجیا په‌كه‌كێ و فه‌لسه‌فا ڤێ پارتیێ ژ ده‌سهه‌لات و چاره‌سه‌ریا پرسا كوردی و یا رۆژهلاتا ناڤین ته‌ڤی را دخه‌بته و رۆژاڤایێ كوردستانێ بۆ مه‌یدانا پێكائانینا فكر و رامانێن وێ. مخابن كو ئه‌و رێیا خوه ته‌نێ راست دبینن و ئه‌ڤنه ژ بنگه‌هێن دیمۆكراتیێ نه، نه‌خاسمه ئاڤاكرنا هێزا له‌شكری ل سه‌ر ئایدۆلۆجیه‌كێ ب سه‌رێ خوه كو وێ ده‌مێ خه‌لك هه‌ست دكن ئه‌ڤ هێزا له‌شكری نه یا نشتمانیه، لێ ئه‌و هێزا لاینه‌كی سیاسی یه.
ژ ئالیه‌كی دنڤه ئه‌نكس نكاری بوو ژ كێشه و پرسگرێكێن ئاڤا خوه رێزگارببه و ب خورتی د ناڤ گه‌لدا كار، خه‌بات و رێخستنێ بكه و ژ كێشه‌كێ تێ كه‌ڤه‌یه‌كا دن، د ده‌مه‌كێ دا كو وه‌لات تێ تالانكرن.
ب هه‌ر حالیه‌ڤیه‌ك ژ گرنگترین سه‌ده‌مێن لاوازبوونا جڤات و هێزا كوردیه و ئێك ژ سه‌ده‌مێن هاتنا داعشێ بۆ ده‌ڤه‌رێن كوردی.
جڤاتا لاواز چه‌ند چه‌ك و ته‌قه‌مه‌نی د ده‌ست ژ یه‌ده‌بن دمینه لاواز!!
و ئه‌ڤ ئێكه ژ گرنگترین وانه‌یێ كۆبانێ نه كو پێدڤیه ته‌ڤگه‌را سیاسی كوردی ل سه‌ر راوه‌سته و سودێ ژێ بگه‌ره، چونكو دیاربوو ده‌ما كو پێشمه‌رگه ب هه‌وارا كۆبانێ ڤه‌چوون، مۆرال و ده‌روونیا مله‌تێ كورد ب سه‌ركه‌تبه ریسه‌ركه‌تنا لێشكه‌رییا د بنیاتێ خوه ده ژ سه‌ركه‌فتنا ده‌روونیتێ.
ل ئالیه‌كی دن هینا ئه‌ركه‌كی زۆر گران ل سه‌رملێ جڤات، ته‌ڤگه‌را كوردی و هێزا چه‌كدار، ئه‌و ژی رێزگاركرنا ته‌مام گوند و گونده‌وارێن كۆبانێ یه و دانینا پلانه‌ك ستراتیجی د ناڤ هێزێن كوردی دا ب هه‌می لایه‌نێن خوه) سیاسی، له‌شكری، ئابووری، ره‌وشه‌نبیری، جڤاكێ سڤیل، و ئاینی) دا كو كاربه ده‌ڤه‌رێن كوردی ب شێوه‌یێ راسته‌قینه بپارێزه و رێز ل مله‌تێ كورد بێ گرتن ل قادێن هه‌رێمی و ناڤ ده‌وله‌تی ژی. دبه كو ئاكتیڤكرنا ره‌كه‌فتنا دوهۆكێ خالا پێشی به ژ ڤێ ستراتیجیێ را
ده‌رفه‌ته‌كی مه‌زن د ده‌ست كوردان ده هه‌یه د ڤان گوهارتنێن كو ل رۆژهه‌لاتا ناڤین دقه‌ومن، ژبه‌ر ڤێ ئێكێ هه‌كه جڤات و هێزا كوردان نه ل سه‌رهه‌ڤ به و له‌شكرێن وان نه له‌شكرێ هه‌می كوردان بن، وێ كورد دیسا بمینن د ره‌وشه‌ك نه ل گۆر قوربانی و قه‌هره‌مانیان كو كه‌چ و كورێن كوردان دكه‌ن.
ئه‌م بخوازن نه‌خوازن، قه‌ده‌را مه كوردان بوویه ئێك، كوردێن رۆژئاڤا ل باشۆءر و یێن باشۆر و باكۆر ل رۆژئاڤا و هه‌ر وه‌سا كوردێن رۆژهلات ب هه‌ڤرا شه‌هید دكه‌ڤن، ئه‌رێ وێ هێزێن كوردی كاربن سوده و مفا ژ قوربانیێ ڤان شه‌هیدان بگرن، پیڤه‌رێ سه‌ركه‌فتنا راستی و پرسا وێ ئه‌ڤه؟!.
