په‌یڤدارێ حكومه‌تا چینێ راگه‌هاند: ئارمانجا هه‌ڤكاریكرنێ نه ژبو خو سه‌پاندنێ یه ل جیهانێ
ئه‌ڤرۆ نیوز:
په‌یڤدارێ حكومه‌تا چینێ راگه‌هاند: به‌رته‌نگیا هزریه هه‌كه بێژن چین هه‌ڤكاریا پێشكێشی وه‌لاتین جیهانێ دكه‌ت، ژبوی ب بیته ده‌سه‌لاتدارا جیهانێ.
گیو وی مین په‌یڤدارێ حكومه‌تا چینێ راگه‌هاند: هنده‌ك بانگه‌شه‌یا ئه‌وێ چه‌ندێ دكه‌ن، كۆ چین د هه‌ڤركیێ دایه ل پێشكێشكرنا هه‌ڤكاریان بۆ ئه‌و وه‌لاتێن ب ئه‌گه‌رێ ڤایرۆسێ كورونایێ زیان به‌ركه‌تین، دڤێت بڤێ رێكێ ده‌سه‌لاتداریا جیهانێ بده‌ستڤه بینیت، ئه‌و گۆتن ژلایێ كه‌سێن هزر به‌رته‌نگ ڤه دهێته گۆتن كۆ هه‌رتم جهێ رازیبوونێ نینن.
چه‌ندین جارا ئه‌مریكا چین ب ئه‌وێ چه‌ندێ تومه‌تباركریه كۆ مفا ژ ره‌وشا به‌لاڤبوونا ڤایرۆسێ كورونا ل جیهانێ دیتی یه،ژبوی هه‌ژموونا خو ب سه‌پینیت ب سه‌ر جیهانێ، به‌لێ چین چه‌ندین جاران ئه‌وان تومه‌تان ره‌ت دكه‌ت و واشنتونێ ب خوڤه‌دزین ژ به‌رپرسیاریا به‌رهنگاربوونا كرونایێ ل جیهانێ تومه‌تبار دكه‌ت.
