پارتی داخۆیانیەکێ بەلاڤ دکەت
ئەڤرۆ نیوز:
سەبارەت ب ئالۆزیێن ڤێ دووماهیێ ل سەر سنوری و توپبارانکرنا ئاخا هەرێمێ ژ ئالیێ تورکیا و ئیرانێ ڤە پارتی دیموکراتی کوردستان د راگەهاندنەکێ دا دیار دکەت کو هەبوونا پەکەکێ و گرۆپێن دی وەسا کریە کو ئیران و تورکیا ئاخا هەرێمێ توپباران بکەن کو مخابن زیانێن گەلەک مەزن ژی گەهشتینە هەرێما کوردستانێ.
پارتی دیموکراتی کوردستان هەروەسا دیار دکەت کو ئەو پشتەڤانیێ ل هندێ دکەن کو پرسا کوردی ل پارچێن دی یێن کوردستانێ دور ژ شەری و ب رێیێن سیاسی بهێتە چارەسەرکرن و ئەو پشتەڤانیێ ل هەر بزاڤەکا سیاسی بۆ چارەسەرکرنا پرسا کوردی کەن.
پارتی د راگەهاندنا خوە دا دیار ژی دکەت کو ژ بەر پەکەکێ ٥٠٠ گوندێن هەرێما کوردستانێ نەهاتینە ئاڤاکرن، ژ بەر هندێ ژی دڤێت هەم پەکەکێ و هەم ژی پارتێن دی یێن کوردی ئاخا هەرێمێ ل دژی وەلاتێن جیران بکار نەئینن.
