وەزارەتا ساخلەمیا هەرێمێ: 254 کەسێن دی تووشی کۆرۆنایێ بوون
ئەڤرۆ نیوز:
وەزارەتا ساخلەمیا هەرێما کوردستانێ تووشبوونا 254 کەسێن دی و گیان ژ دەستدانا 10 کەسێن دی ب ڤایرۆسێ کۆرۆنایێ راگەهاند، ب ڤێ چەندێ هژمارا کەسێن ب کۆرۆنایێ گیانێ خوە ژ دەستداین ل هەرێمێ گەهشتە 223 کەسان.
هەروەسا گۆتیە: د دەمێ شەڤ و رۆژەکێ دا دو هزار و 274 پشکنین هاتینە ئەنجامدان، کو پرانیا وان ل هەولێرێ بووینە و هژمارا وان ژی 820 پشکنین بوون، ل سلێمانیێ 576 پشکنین، ل دهۆکێ 546 پشکنین، ل گەرمیان 246 پشکنین و ل راپەرین ژی 86 پشکنین هاتینە ئەنجامدان و ژ وان ژی 254 تووشبوویێن نوو ل هەرێما کوردستانێ هاتینە تۆمار کرن، کو 73 کەس ژ وان ل هەولێرێ، 86 کەس ل سلێمانیێ 68 ل گەرمیان، 23 ل راپەرین و چار ژی ل دهۆکێ.
ئەو ژی گۆتیە؍ کو 86 کەسێن دی ژ ڤایرۆسێ کۆرۆنایێ چێبووینە و چار ژ وان ل دهۆکێ نە و هاتینە رەوانەکرن بۆ مالێن وان.
