عیراق ب رێكارێن نوو ده‌ست ب گه‌شتكرنان كه‌ت
ئه‌ڤرۆ نیوز:
پشتی بریارا راوه‌ستاندنا گه‌شتێن ئاسمانی ل عیراقێ و هه‌رێما كوردستانێ هاته هه‌لوه‌شاندن، وه‌زاره‌تا ساخله‌میا عیراقێ راگه‌هاند رێك ب گه‌شتكرنا وه‌لاتیان دهێته‌دان ب مه‌رجه‌كی ل ده‌مێ ڤه‌گه‌راندنا وان دا دێ هێنه كه‌ره‌نتینه‌كرن.
حازم عه‌بدلره‌زاق برێكارێ هونه‌ری یێ وه‌زاره‌تا ساخله‌میێ راگه‌هاند رێكارێن تایبه‌ت ب قه‌ده‌غه‌كرنا گه‌شتكرنێ هاتنه هه‌لوه‌شاندن و رێك ب وه‌لاتیان دهێته دان گه‌شتێ بكه‌ن، به‌لێ لگۆری رێكاران پشكنین بۆ ته‌ڤایا ئه‌وان كه‌سێن دهێنه عیراقێ هیته‌كرن، هه‌ركه‌سه‌كێ نیشانه‌یێن كورونایێ تێدا ده‌ر بكه‌ڤن، دهێته ره‌وانه‌كرن بۆ نه‌خوشخانه‌یێ بۆ چاره‌سه‌ركرنێ.
ناڤبری ئه‌و چه‌نده‌ژی د راگه‌هاندنه‌كێ دا به‌لاڤكریه كۆ لگۆری رێكارێن نوو پشكنین بۆ ته‌ڤایا ئه‌و كه‌سین دهینه عیراقێ هێته‌كرن و ئه‌و كه‌سێ نیشانه‌یێن كورونایێ تێدا هه‌بن ره‌وانه‌ی نه‌خوشخانه‌یێ دهێته‌كرن بۆ چاره‌كرنێ، ئێك ژ رێكارێن دی ل ده‌مێ گه‌شتا وه‌لاتیان بۆ ده‌رڤه‌ی وه‌لاتی دڤێت ره‌زامه‌ندبن ل ده‌مێ ڤه‌گه‌راندنی پشكنین بۆ هیته‌كرن و ئینه كه‌ره‌نتینه‌كرن.
