ب پشتەڤانیا سپونسەران گرۆپەکێ خوەبەخش باجانان دکڕیت
ئەڤرۆ نیوز، عەلی حاجی :
راگەهاندکار کامیران مەرعی ئێک ژ ئەندامێ گروپەکێ خوەبەخشی کڕینا باجان سورکان ل دهوکێ بۆ ئەڤرۆ نیوز دیار کر وان پروژەیەک بەرهەڤ کریە ب هاریکاریان چەند سپونسەرەکان بۆ کرینا باجان سورکا خومالی وەکو پشتەڤانی بۆ بەرهەمێ جوتیارێن دەڤەرێ و قوناغا ئێکێ ژی مە دەستپێ کری یە.
زێدەتر کامیران مەرعی: (وەکو گروپێ خوەبەخش مە ئەڤ هزرە ژ دەزگایێ خێرخوازیێ بارزانی وەرگرت کو ئەڤرۆ رۆژا شەمبێی ب رێیا سپونسەرێ خوە یونس گروپ شیا هزار سندوقێن باجان سورکان کو بۆ هەر سندوقەکێ سێ هزاران ل زاخۆ بکڕین کو هەر چەندە ژ ئەوا بازاری دا دهێتە فروتن گرانتر بوو بەلێ ب ریێا ڤی پروژەی مە خواست پشتەڤانیا جوتیاران بکەین دا کو وەکو بالانسەکێ بۆ جوتیاری دروست ببیت، پشتی کڕینا وێ رێژەیا سندوقێن باجانان وەکو گروپێ خوەبەخش مە ئەو باجان سورکە ب سەر گەرەکێن کێم دەرامەت دا بەلاڤ کرن و مە شیا ژی رێژەیەکا باش ژ وان باجانان بێ بەرامبەر بەلاڤ بکەین و سوباهی روژا ئێکشەمبیێ دێ قەستا بەردەرەش کەین کو ل وێرێ ژی سپونسەرەک هەیە خوە ل کریە خودان و بریارە سوباهی رێژەیەکا باش یا باجان سورکان بکرین و ب سەر خەلکێ دهوکێ دا بەلاڤ بکەین) .
ناڤبری گۆت ژی: هەر ئەڤ چەندە نابیتە چارەسەری بەلێ پێدڤیە حکومەت پلانەکا باشتە بدانیت ژ بەر کو هەکە سوباهی ئەڤرۆ باجان بهێن دێ سباهی جورەکێ دیترێ بەرهەمی هێت و ئەڤ چەندە ژی پێدڤی ب پشتەڤانیا حکومەتێ و قەدەغەکرنا بەرهەمێ ژ دەرڤە یە.
