په‌یڤدارێ ده‌روازێ ئیبراهیم خه‌لیل:پارەیێ پشکنینا کۆرۆنایێ بو ھەر گەشتیارەکێ ژ سەد ھزاران ھاتینە کێم کرن بو شێست ھزار دیناران
ئه‌ڤرۆ نیوز:
په‌یڤدارێ كومه‌لگه‌ها ده‌روازێ نێڤ ده‌وله‌تى ئیبراهیم خه‌لیل ل سه‌ر رێکارێن ساخلەمیێ و پشکنینێن ڤایروسا کۆرۆنایێ دگەل ئەو گەشتیارێن ل دەروازێ کۆمەلگەھا نیڤ دەولەتی ئیبراھیم خەلیل ھاتن و چوونێ دکەن، ڕاگه‌هاند ل دووڤ رێنمایی و بریارێن حکومەتا ھەرێما کوردستانێ کار دکەین و بابەتێن کەرەنتینێ و ستافێ نوژداری ل سەر سنوری و دیارکرنا ئەو گوژمێ پارە یێ کو ل پشکنینا کۆرۆنایێ دھێتە مەزاختن ژلایێ وەزارەتا ساخلەمیێ ڤە دھێنە دیار کرن و سەرپەرشتی کرن، ل دووف داوی بریارا وەزارەتا ساخلەمیێ یا ژمارە (١٠٩) ل رێکەفتی (٣٠\٧\٢٠٢٠) گۆژمێ ئەو پارەیێ دھێتە وەرگرتن بۆ پشکنینا کۆرۆنایێ بو ھەر گەشتیارەکێ ل (١٠٠,٠٠٠) سەد ھزار دیناران ھاتینە کێم کرن بو (٦٠,٠٠٠) شێست ھزار دیناران.
كامى كه‌مال په‌یڤدارێ كۆمه‌لگه‌ها ده‌روازێ نێڤ ده‌وڵه‌تى ئیبراهیم خه‌لیل ئه‌و چه‌نده ژی دیاركر هاتنا شۆفێرێن ترومبێلێن بارھەلگرێن وه‌لاتێ تورکیایێ ئەم چاڤەرێی بەرھەڤبونا میکانزمێن پێدڤینە ژلایێ ساخلەمیا دھوکێ ڤە بۆ پشکنینکرنا وان شۆفێران کو بڤان نێزیکان دێ ھێنە بەرھەڤکرن و دێ شێن پشتی جێ ب جێ کرنا رێکارێن ساخلەمیێ وەکی بەرێ ھێنە دناڤ ھەرێما کوردستانێ دا، ل دووف ئەوێ بریارا وەزارەتا ساخلەمیێ کو ل سەری مە ئیشارەت پێدای پشکنینا کۆرۆنایێ ژبو شۆفێرێن ترومبێلێن بارھەلگر دێ (٣٠,٠٠٠) سیھ ھزار دینار بن.
