عیراق دێ دانوستاندنێ ل سه‌ر ئاڤێ ل گه‌ل توركیا كه‌ت
ئه‌ڤرۆ نیوز:
عه‌ونی زیاب په‌یڤدارێ وه‌زاره‌تا ژێده‌رێن ئاڤێ یێن عیراقێ راگه‌هاند د ده‌مه‌كێ نێزیك دا دێ دانوستاندنێ ل گه‌ل توركیا ده‌ربارێ ئاڤێن دیجله و فوراتی ده‌ست پێ كه‌ن.
لگۆری داتایێن وه‌زاره‌تێ رێژه‌یا ئاڤێ ژ هه‌ردو رووبارێن دیجله و ورات ل چه‌ند سالێن بوری كێمتر بوویه، په‌یڤدارێ وه‌زاره‌تێ ژی ئاماژه ب وێ چه‌ندێ كر ئه‌گه‌رێ كێم بوونا رێژا ئاڤێ ل ئه‌ڤان هه‌ر دو رووباران ڤه‌دگه‌ریت بۆ كێمیا باران و سه‌قایی.
عه‌ونی زیاب په‌یڤدارێ وه‌زاره‌تا ژێده‌رێن ئاڤێ یێن عیراقێ ئه‌و چه‌ند ژی راگه‌هاند مسته‌فا كازمی سه‌رۆك وه‌زیرێ عیراقێ، مه‌هدی ره‌شید حه‌مدانی وه‌زیرێ ژێده‌رێن ئاڤێ راسپاردیه دانوستاندنان ل گه‌ل توركیا ده‌ربارێ پشكا ئاڤێ ژ هه‌ردو روبارێن دیجله و فورات ده‌ست پێ بكه‌ن، عیراقێ زۆر پێدڤی ب ئاڤێ هه‌یه و هه‌كه نه‌گه‌هشتنه رێكه‌تنێ دێ زیانه‌كا زۆر دیڤ خودا ئینیت، كۆ ل چه‌ند رۆژێن بهێت ب ریكا ڤیدیو كۆنفرانس دانوستاندنێ كه‌ن.
