وه‌زیرێ ده‌رڤه‌یێ ئه‌مریكا: دانوستاندنێن ئه‌تومی به‌ره‌ڤ پێشڤه‌بوونه‌كا باش بخوڤ دی تیه
ئه‌ڤرۆ نیوز:
وه‌زیرێ ده‌رڤه‌یێ ئه‌مریكا راگه‌هاند دانوستاندنێن ئه‌تومی یێن دناڤبه‌را ئه‌مریكا و روسیا ده‌ربارێ توخیبداركرنا پرچه‌كرنێ پێشكه‌ڤتنێن به‌رچاڤ بخوڤه دیتینه، هیڤی خازین چین ژی پشكداریێ د ئه‌وان دانوستاندنان دا بكه‌ت.
مایك پومپیو وه‌زیرێ ده‌رڤه‌یێ ئه‌مریكا د كۆنگره‌یه‌كێ رۆژنامه‌ڤانی دا راگه‌هاند ده‌مێ چه‌ند هه‌یڤه‌كانه به‌رپرسێن ئه‌مریكا بزاڤێ دكه‌ن هه‌ر سێ وه‌لاتێن ئه‌مریكا و چین و روسیا كۆ خودانێ مه‌زنترین هێزا ئه‌تومی نه ل جیهانێ، ل سه‌ر مێزا دانوستاندنێ خرڤه ببن بۆ كێمكرنا مه‌ترسیێن ئه‌وی چه‌كی ل جیهانێ.
وه‌زیرێ ده‌رڤه‌ی ئه‌مریكا ئه‌و چه‌نده ژی راگه‌هاند دانوستاندنێن ئه‌تومی یێن دناڤبه‌را واشنتون و موسكویی به‌ره‌ڤ پێشڤه‌چوون ب خوڤه دیتینه، هیڤی خازین چین ژی بریارا پشكداركرنێ د ئه‌وان دانوستاندنان دا بده‌ت.
هه‌یڤا بووری دانوستاندنێن ئه‌تومیێن ئه‌مریكا و روسیا ده‌ربارێ درێژكرنا رێكه‌تنا سترات 3 ل ڤیه‌نا ده‌ستپێكریه كۆ ب مه‌به‌ستا توخیبداركرنێ بۆ خۆ پرچه‌كرنێ واشنتون و موسكویێ ئیمزا ل سه‌ر كر بوو.
