وه‌زاره‌تا ساخله‌میێ: دڤێت بهایێ خزمه‌تگۆزاریێن چاره‌كرنا كورونایێ ل نه‌خوشخانه‌یێن تایبه‌ت بهێته كێمكرن
ئه‌ڤرۆ نیوز:
وه‌زاره‌تا ساخله‌میا حوكمه‌تا هه‌رێما كوردستانێ، چه‌ند بریاره‌كێن نوو ده‌رخستن و تێدا ته‌ئكید كر ، دڤێت بهایێ خزمه‌تگۆزاریێن تایبه‌ت ب چاره‌كرنا كورونایێ ل نه‌خوشخانه‌یێن تایبه‌ت بهێته كێمكرن.
لگۆری نڤیساره‌كا وه‌زاره‌تا ساخله‌میێ كۆ رۆژا 9/8/2020 ده‌رخستیه و تێدا هاتیه، چه‌ند بریاره‌ك د پێخه‌مه‌تا به‌رژه‌وه‌ندا گشتی و پێخه‌مه‌تا پاراستنا مافێ نه‌خوشی هاتینه ده‌رخستن، كۆ ئێك ژ وان بریاران به‌حس ژ وێ چه‌ندێ دكه‌ت، توخیبداركرن و یه‌كسانكرن و دانانا بهایێ خزمه‌تگۆزاریێن تایبه‌ت ب چاره‌كرنا توشبوویێن كورونا ل كه‌رتێ تایبه‌ت و ئه‌هلی، لبه‌رچاڤكرنا مه‌ترسیا ل سه‌ر ژیانا نوژداران و كارمه‌ندێن ساخله‌میێ.
د ئه‌وێ نڤیسارێ دا هاتیه، بهایێ پشكنینا نوژدارێ بسپور، ژلایێ سه‌ندیكا و نوژداران ڤه دهێته دیاركرن، وه‌لاتی بۆ هه‌ر سكالایه‌كێ دشێت په‌یوه‌ندیێ ب هێلین گه‌رم ڤه بكه‌ت.
