ساخلەمیا جیهانی ل دۆر ڤاکسینێ روسیا داخۆیانیەکێ بەلاڤ دکەت
ئەڤرۆ نیوز:
پشتی کو سەرۆکێ روسیا ڤیلادەمیر پوتین ب رەنگەکێ فەرمی راگەهاند کو وەلاتی وی شیایە ئێکەم ڤاکسینێ کۆرۆنایێ بەرهەم بینیت و وی ڤاکسین ل سەر کچا خوە تاقی کریە، رێکخراوا ساخلەمیا جیهانی ژی ل دۆر هندێ داخۆیانیەک بەلاڤ کر.
رێکخراوا ساخلەمیا جیهانی راگەهاند کو ئەو د پەیوەندیێ دانە ل گەل بەرپرسێن روسیا دا بزانن کا ئەو ڤاکسین چاوایە و کارتێکرنا وێ ل سەر ساخلەمیا مرۆڤان دێ چاوا بیت.
رێکخراوا ساخلەمیا جیهانی دیار ژی دکەت کو دڤێت ئەو پێداچوونێ ل سەر وی ڤاکسینی بکەن و هەتا ژ ئالیێ وان ڤە نەهێتە پەسەند کرن نابیت چ ئالیەک بکار بینن چونکو رەنگە مەترسیا خوە بۆ مرۆڤان هەبیت.
