گەشتیارێن دهۆکێ دشێن سەرەدانا پارێزگەهێن دی یێن هەرێمێ بکەن
ئەڤرۆ نیوز:
رێڤەبەریا گشتی یا گەشتوگۆزارێ ل پارێزگەها دهۆکێ ئاگەهداریا هەمی کۆمپانی و بریکار و نڤیسینگەهێن گەشتیاری یێن پارێزگەها دهۆکێ دکەت کو ژ ئەڤرۆ 23/8/2020 دشێن گرۆپێن گەشتیاری ژ پارێزگەهێن (هەولێر، سلێمانی، حەلەبجە) بیننە پارێزگەها دهۆکێ و بەرۆڤاژی ژ پارێزگەها دهۆکێ ژی ببەنە پارێزگەهێن ناڤهاتی بێ کو پشکنینا کۆرۆنایێ ل زالگەهان بۆ گەشتیاران بهێتە ئەنجامدان.
رێڤەبەریا گشتی یا گەشتوگوزارێ داخواز ژ هەموو گەشتیاران ژی دکەت کو پێگیریێ ب رێنمایێن ساخلەمیێ بکەن.
