هێنرى کیسنجەر: یێ به‌ر ب سیناریۆیا شه‌رێ جیهانى یێ ئێكێ ڤه دچین
ئەڤرۆ نیوز:
وەزیرێ دەرڤە یێ به‌رێ یێ ئەمریکا هۆشداریێ دانه سه‌رۆكێ هه‌لبژارتیێ ئه‌مریكا كو ئەو یێ بەر ب سیناریۆیا شەرێ ئێكێ یێ جیهانى ڤە دچن.
هێنرى کیسنجەر بۆ ئاژانسا بلۆمبێرگ گۆتیه، ئه‌و داخوازێ ژ ئیدارا نوو یا ئەمریکا دكه‌ت، ئه‌و کێشەیێن ل سەردەمێ ترامپى دا ل گەل وه‌لاتێ چینێ هه‌ین چارەسەر بکەن، ژبه‌ركو هه‌كه نه‌هێنه چاره‌سه‌ركرن، دێ ئالۆزیێن دناڤبەرا هەردو وەلاتان مه‌زنتر لێ هێن و دێ هه‌ڤركى دناڤبه‌را وان دا بنه هه‌ڤركیێن سه‌ربازى و دێ وه‌كى شه‌رێ ئێكێ یێ جیهانى لێ هێن.
ناڤهاتى گۆتیه ژى، د نها دا ئه‌مریكا و چین دبلۆماسییا خوە ژى ل دژى ئێک برێڤە دبەن، ترسا وى ئه‌وه دبیت هندەک ژ وان كیشه‌یان ب رێیا دبلۆماسىێ چارە نەبن و روودانەک ببیتە ئەگەرێ بکارئینانا چەکێ نوكه یێ پێشکەفتى، هه‌كه رێیەک بۆ چارەسەرکرنا وان کێشەیان نەهێتە دیتن، جیهان ژى دێ تووشى كاره‌ساته‌كا مه‌زن بیت، یا وه‌كى شه‌رێ جیهانى یێ ئیكێ.
هێنرى کیسنجەر، دناڤبەرا سالێن ١٩٦٩ هه‌تا ١٩٧٧، ل سەر دەمێ هەردو سەرۆکێن ئه‌مریكا ریچارد نێکسۆن و جیرالد فۆرد، وەزیرێ دەرڤە یێ ئەمریکا بوویە.
