سترانه‌كا دوقۆلی ل گه‌ل سترانبێژه‌كا فره‌نسی دێ به‌لاڤ كه‌ت
ئاكرێ، ره‌مه‌زان هه‌رنی:
سترانبێژ شه‌یدا قه‌وامی، د دیداره‌كێ دا بۆ رۆژناما ئه‌ڤرۆ گۆت: ده‌مه‌كه ژبه‌ر ره‌وشا نوكه ل كوردستانێ و جیهانێ من چو به‌رهه‌م دروستنه كربوون، به‌لێ نوكه ل گه‌ل سترانبێژه‌كا فره‌نسی سترانه‌كا دوقۆلی مه چێكریه، ئه‌ز ب كوردی دبێژم ئه‌و ب فره‌نسی.
ناڤهاتیێ گۆت: من دڤێت ب رێكێن جودا خزمه‌تا هونه‌رێ كوردی بكه‌م ئه‌ز ل ده‌رڤه‌ی كوردستانێ دژیم ل وه‌لاتی ئه‌لمانیا له‌ورا حه‌زدكه‌م ب هه‌ر رێیه‌كا هه‌بیت په‌یاما هونه‌رێ كوردی ب جوانی بگه‌هینمه وه‌لاتێن بیانی و من بزاڤ كریه هه‌كه به‌رهه‌مه‌كێ باش نه‌بیت به‌لاڤ نه‌كه‌م، چنكوسترانگۆتن نوكه ب ساناهی كه‌فتیه به‌لێ من نه‌ڤێت چو به‌رهه‌مان دروست بكه‌م زوو بمرن و دخوازم هه‌ر به‌رهه‌مه‌كێ به‌لاف بكه‌م گوهدار زۆر لێ رازبیت و ببیته پشته‌ڤانیه‌ك بۆ هونه‌رێ كوردی من گرنگی ب ره‌سه‌ن و هونه‌ری كوردی دایه و حه‌زدكه‌م هونه‌رێ ره‌سه‌ن ل پێشه‌نگا هونه‌رێ بیت هه‌ر وه‌لاته‌كێ ره‌سه‌نایه‌تی ژ ده‌ستدا هونه‌ر پێش ناكه‌ڤیت ل وی وه‌لات
