ژیێ وێ چار سالن و هێشتا ئاڤ نه ڤه‌خواریه
دهۆك، زنار تۆڤی:
ئه‌مه‌ل شه‌كر، زارۆیه‌كا د ژیێ چار سالیێ دایه و هه‌تا نوكه وێ ئاڤ نه ڤه‌خوارییه و نوكه ل گه‌ل خێزانا خوه ل كه‌مپا كه‌به‌رتۆ دژیت، د دیداره‌كێ دا بابێ ئه‌مه‌لێ بۆ رۆژناما ئه‌ڤرۆ دیاركر كو ئه‌و ئاواره‌نه و ل ناڤا كه‌مپا كه‌به‌رتۆ دژین و ره‌وشا وان یا خرابه و نه‌شێن چاره‌سه‌رییا زارۆیا خوه بكه‌ن، هه‌روه‌سا ده‌مێ ئه‌مه‌ل ژ دایكبوویی، ب تنێ بۆ ده‌مێ سێ هه‌یڤان شیرێ دایكا خوه خواریه، پاشی شیر ژی نه خوار و هه‌ر ژ وی ده‌می هه‌تا نوكه وێ ئاڤ نه ڤه‌خوارییه و ب تنێ دایكا وێ رۆژانه شۆربێ دده‌تێ و ب زۆری خوارنێ دخۆت و هندی ئه‌و ئاڤێ دده‌نێ، لێ ئه‌و ب ئێكجاری نا ڤه‌خۆت.
ناڤهاتی گۆت: وان سه‌ره‌دانا چه‌ندین نۆشدار و نه‌خۆشخانان كریه، لێ هه‌تا نوكه چاره‌سه‌ریا كچا وان نه‌هاتییه كرن و نه‌خۆشییا وێ ئاشكرا نه‌بوویه، و ئاواره‌ی و ده‌ست كورتیا بارێ ژیانێ وه‌كرییه، كو هه‌تا نوكه وان چاره‌سه‌ری بۆ ئێشا كچا خوه نه‌دیتییه، ئه‌و دخوازن كه‌سێن خێرخواز هاریكاریا وان بكه‌ن، داكو بشێن چاره‌سه‌ریا كچا خوه بكه‌ن و ژ ڤێ ره‌وشێ قورتال بكه‌ن چنكو هه‌تا نوكه كچا مه نه‌رابوویه سه‌ر پیێن خوه هه‌روه‌سا نا ئاخڤیت ژی.
