من شیایه شوون تبلێن خوه دناڤ راگه‌هاندنێ دا دیاربكه‌م
دهۆك، هه‌رهین محه‌مه‌د:
میدیاكاری گه‌نج نه‌زیر محیه‌دین، د دیداره‌كێ دا بۆ رۆژناما ئه‌ڤرۆ گۆت: راگه‌هاندن وه‌كو قوتابخانه‌كێ یه و مرۆڤ فێرێ گه‌له‌ك تشتان دبیت و وه‌سا ئه‌م فێركرینه وه‌كو دینه‌مۆیه‌كی بین و دبه‌رده‌وام بین و خوه ئه‌كتیڤ بكه‌ین و راگه‌هاندنێ وه ل مه كریه ئه‌ڤرۆیا مه یا جودابیت ل گه‌ل سوباهی، چونكو راگه‌هاندكار رامانا وێ كه‌سه‌كێ ره‌وشه‌نبیر و نابیت ئاستێ مرۆڤی كێم بیت ژیێ خه‌لكی و من شیایه شوین تبلێن خوه دناڤ راگه‌هاندنێ دا دیاربكه‌م و ده‌می مرۆڤ دچیته دناڤ راگه‌هاندنا كوردی دا بۆ مرۆڤی دیار دبیت شاشی گه‌له‌ك یێن هه‌ین و من بزاڤ كرن هه‌مان شاشی دوباره نه‌كه‌مه ڤه و راگه‌هاندن باشترین مینبه‌ر بۆ كو ئه‌م بشێن هنده‌ك راستڤه‌كرنا تێدا بكه‌ین، و نوكه ئه‌ز مژوولی چێكرنا پرۆگرامه‌كی مه ب ناڤێ (فه‌لسه‌فا پێكڤه ژیان) ئه‌ڤ به‌رنامه‌ی ل شاشا كوردستان 24 هێته په‌خشكرن.
دووڤدا گۆت: ل ده‌ستپێكی من ل رادیۆیا په‌یام ل ئاكرێ ده‌ستپێكریه و ل رادیۆیا دهۆك و هنده‌ك به‌رنامه من ل رادیۆیا زاخۆ دهاتنه په‌خشكرن و دیسان رادیۆیا ئامێدیێ و نوكه ژی ل رادیۆیا سوشیال میدیا كوردستان 24 من به‌رنامه‌كێ هه‌ی ب ناڤی َ(كلیل) كو به‌رنامه‌كێ فه‌لسه‌فیه و به‌ری دوسالان رادیۆیا ده‌نگی َكوردستان داخاز ژمن كر ل ده‌فوان به‌رنامه‌كی پێشكێش بكه‌م و راگه‌هاندكارێ دروست ئه‌وه ئه‌و بابه‌تی َئه‌و دیاردكه‌ت بابه‌ته‌ك بیت دبه‌رژه‌وه‌ندیا جڤاكی دا بیت ب گشتی و راگه‌هاند كاری ئه‌و نینه هه‌موو تشتی بێخته دبه‌رژه‌وه‌ندیا خوه یا تایبه‌ت دا.
