دلژین عه‌بدوللا: ده‌ستپێكا كارێ راگه‌هاندنێ ئه‌ز وێنه‌گر بووم
دهۆك، نه‌وزاد هلۆری:
دلژین عه‌بدوللا، كچه راگه‌هاندنكارا دهۆكێ كو نوكه په‌یامنێره ل كه‌نالێ كوردستان تیڤی، هه‌ر ژ زارۆكینی حه‌زا كارێ راگه‌هاندنێ هه‌بویه، ئه‌ڤه نه‌ه ساله كارێ راگه‌هاندنێ دكه‌ت.
دلژینێ بۆ ئه‌ڤرۆ گۆت، ئێكه‌م وێستگه‌ها كارێ من یێ راگه‌هاندنێ ل ده‌نگێ ئازادیا رۆژئاڤا بوویه كو ئه‌ز وێنه‌گر بووم، هه‌تا نوكه من چوو نه‌خۆشی نه‌دیتینه د كارێ راگه‌هاندنێ دا و هه‌ر ئاسته‌نگا بهێته پێش بۆ من دبیته پالده‌ر كو باشتر كار بكه‌م و خوه پێش بێخم، به‌لێ راگه‌هاندن بۆ كچا كورد پیچه‌كێ یا ب زه‌حمه‌ته و ئه‌گه‌ر ژی زێده‌تر بۆ جڤاكی دزڤرن و دایك و باب و خێزانا من ب گشتی پشته‌ڤانێن منن، نوكه وه‌كو په‌یامنێر ل كه‌نالێ كوردستان تیڤی كار دكه‌م و من هزر نه‌كریه كو رۆژه‌كێ كارێ خوه بهێلم، وه‌كو په‌نابه‌ر ل پارێزگه‌ها دهۆكێ ل پال كارێ راگه‌هاندنێ دێ به‌رده‌وام بم.
ناڤهاتی دژیێ 23 سالیێ دایه‌ل كه‌مپا دۆمیز دژیت، ل چه‌ند رۆژێن بۆری بریارا پێكئینانا هه‌ڤژینیێ دایه.
