ئه‌سفه‌ندیار ئه‌حمه‌د: هیڤیا من ئه‌وه ببمه رۆژنامه‌ڤانه‌كا زیره‌ك و سترانبێژه‌كا به‌رنیاس
شاكر ئه‌تروشی:
ئه‌سفه‌ندیار ئه‌حمه‌د، سترانبێژ و پێشكێشكارا به‌رنامێ (دهۆك شوو) ل ته‌له‌فزیۆنا دهۆك، د دیداره‌كێ دا بۆ رۆژناما ئه‌ڤرۆ گۆت: دژیه‌كێ بچووكدا حه‌زا سترانگۆتنێ ل ده‌ف من هه‌بوو، ژبه‌ركو ئه‌ز ژ مالبه‌ته‌كا هونه‌ری بووم هه‌موویان پێكڤه پشته‌ڤانیا من كرن كو سترانان بێژم، ب تایبه‌ت ژی بابێ من.
ئه‌سفه‌ندیار، كو رامانا وێ (جهێ پیرۆزه) هێشتا گۆت: ژبۆ هندێ كو پتر شیانێن من دیارببن و باشتر بشێم خزمه‌تا سترانا كوردی بكه‌م من پشكداری د دو به‌ریكانێن سترانگۆتنێ دا كر، یێ ئێكێ به‌رنامێ (كورد ئایدل) بوو ل سالا 2018 و ئه‌ز گه‌هشتمه قوناغا سێیێ، و ل سالا 2020 من پشكداری دبه‌رنامێ ( ) دا كر، ئه‌ز گه‌هشتمه قوناغا به‌ری دووماهیێ و بۆ من به‌رنامه‌كێ سه‌ركه‌فتی بوو، هه‌روه‌سا من هزردكر دێ گه‌همه قوناغا دووماهیێ لێ مخابن سسته‌مێ به‌رنامه‌ی یێ وه‌سا بوو بتنێ شه‌ش پشكدار چوونه قوناغا دووماهیێ، بۆ زانین پشتی وی به‌رنامه‌ی گه‌له‌ك داخوازی بۆ گۆتنا سترانێن دوقۆلی هاتن و دێ ل پاشه‌رۆژێ سترانێن دو قۆلی ژی هه‌بن، لێ نوكه پتر ئه‌ز حه‌زدكه‌م سترانان بتنێ بێژم و ئه‌و سترانبێژێ ئه‌ز حه‌زدكه‌م رۆژه‌كێ سترانا دوقۆلی ل گه‌ل بێژم هونه‌رمه‌ند (هه‌ڤال ئیبراهیم) چنكو ئه‌ز گه‌له‌ك حه‌ز ژ هونه‌رێ وی دكه‌م.
ل دووماهیێ ل دۆر به‌رنامێ خوه (دهۆك شوو) گۆت: هزرا وی به‌رنامه‌ی یا دهۆك تیڤی بوو، ئه‌ز هاتمه هه‌لبژارتن بۆ پێشكێشكرنا به‌رنامه‌ی، ئه‌و ژی ژبه‌ر دو ئه‌گه‌ران، یێ ئێكێ چنكو ئه‌ز ده‌رچوویا پشكا رۆژنامه‌ڤانی مه ل زانكۆیا پولی ته‌كنیك، یێ دویێ ژی چنكو ئه‌ز د هونه‌ری دگه‌هم و سترانان دبێژم، و هیڤیا من بۆ پاشه‌رۆژێ ئه‌وه ببمه رۆژنامه‌ڤانه‌كا زیره‌ك، هه‌وه‌سا وه‌ك سترانبێژه‌كا كورد بهێمه نیاسین و دێ ل سه‌ر كارێن خوه یا به‌رده‌وامبم.
