كێرێ نه‌گه‌هینن هه‌ستى
عومه‌ر سندى
ل پرانیا وه‌لاتێن جیهانێ هه‌لبژارتن وه‌كو پرۆسه‌یه‌كا دیمۆكراسى و راده‌ستكرنا ده‌ستهه‌لاتێ ب شێوه‌یه‌كێ ئاشتیانه تێ ئه‌نجامدان و ئه‌و ولاتێن هه‌لبژارتن تێدا تێن ئه‌نجامدان ب وه‌لاتێن دیمۆكراسى و پێشكه‌تى تێن هه‌ژمارتن ب واته‌یا خه‌لكێ وێژى خه‌لكه‌ك پێشكه‌فتن خوازه و رێزێ ل هه‌موو بنه‌مایێن دیمۆكراسیه‌تێ وه‌ردگرت و ژ وانا دیتنێن جودا ژى و ل هه‌موو وان ولاتان ژى مه‌ها به‌رى هه‌لبژارتنان مه‌ها بانگه‌شێ و پرۆپاگه‌ندێ یه ژبۆ پارتیان و به‌ربژاران هه‌ریه‌ك ب شێوه‌یه‌ك ئارام و ب هه‌ناسه‌یه‌كا كویر ڤى كارى ئه‌نجامدده هه‌رێما كوردستانێ ژى هه‌ر ژ سالا 1992 مه‌ها گولانێ وه‌ره هه‌ر چارسالان هه‌لبژارتنان ژبۆ په‌رله‌مانێ كوردستانێ و هه‌مژى ژ 2005 وه‌ره ژبۆ په‌رله‌مانێ ئیراقێ ژى دكه‌ڤته د ئه‌ڤێ پرۆسێسێ دا، ئانكو گه‌له‌ك هه‌لبژارتن ل هه‌رێما كوردستانێ تێنه ئه‌نجامدان و د ره‌وشه‌كا ژ ئه‌ڤى جۆرى، دڤیا خه‌لكێ مه ژ خه‌لكه‌ك دن شاره‌زاترى ئه‌نجامدانا ڤێ پرۆسێسا دیمۆكراسیبا پتر قانوون و رێسا و رێنمایێن زانیبان و لبه‌رچاڤ وه‌رگرتبان ب مخابنیڤه ئه‌وا ڤان رۆژان دبینم ل كه‌نالێن كوردى ئه‌ڤه هه‌وا هه‌لبژارتنان و پروپاگنده‌كرن ژبۆكاندیدان و پارتیان نینه، ئه‌ڤه شه‌ڕه‌كێ ده‌روونى یێ دژواره ل دژى هه‌ڤ دكن ژ شه‌ڕێ ده‌روونی ژى ده‌ربازكریه هندى دیبه‌یتێن من دیتین هه‌موو كرێتكرن و هه‌ڤدو شكاندنه نه‌زێده‌تر تنێ ڤه‌كرنا برینێن كه‌ڤن بوویه ته‌خوینكرن و سرینا به‌رامبه‌رى خوه بوویه لگه‌ل ئه‌ڤێ هه‌موویێ هه‌میێ ژى ل داویێ دبێژن گه‌ره‌ك و پێدڤیه ئه‌م ل به‌غدا هه‌ڤده‌نگ و ئێكده‌نگ و ئێك گوتاربین نزانم هوینێ چاوا یه‌كده‌نگ بن پشتى ڤان هه‌موو كرێتیان؟ باشه هوین وێ هزرێ ناكن سبه‌هى چاڤێن وه وێ بهه‌ڤ بكه‌ڤن؟ من بخوه بانگه‌شه ب ئه‌ڤى ره‌نگى نه‌دیتینه ل هیچ جهه‌ك جیهانێ ل ئالیه‌كێ تو یێ لسه‌ر دیمۆكراسیه‌تێ دئاخڤى د هه‌مان ده‌مدا تو دیتنا یێ هه‌مبه‌رى خوه ناپه‌ژرینى من گوهلێ نه‌بوویه یه‌كێ ب شێوه‌یه‌ك ئارام بێ ته‌شه‌نج بێ رویه‌ك پوسیده واداگرتى ژ كینێ پروگرامێ خوه پێشكێشى جه‌ماوه‌رێ خوه كرى و تێگه‌هاندى كانێ چارسالێن داهاتى ئارمانجا وى چیه و دێ چ كت جاران گوه لێ دبم كاندیده‌ك دێ بێن من ئارمانج ئه‌وه فلان پرۆژه‌ى بێخم به‌ر گه‌نگه‌شێ و دابێته ئه‌نجامدان كو د به‌رژه‌وه‌ندیا گشتیدایه، لێ به‌لێ كوده‌نگى لسه‌ر دڤێت جارێ وه ل ڤێرێ هه‌ستیێ هه‌ڤدو یێ شكاندین هوین ل به‌غدا كوده‌نگ نابن ماده‌م هه‌لبژارتن ژبوۆ په‌رله‌مانێ به‌غدایه و هه‌رتم وتم هوین ل به‌غدا پێدڤى كوده‌نگیێنه دڤیا د گوپیتكا دژواریا بانگه‌شێ دا هزر ل وێ یه‌كێ هاتبا كرن ب ڤى ره‌نگى هه‌ڤدو نه‌شكاندبان هه‌ڤدو هنده كرێت نه‌كربان وبرینێن كه‌ڤن نه‌ڤه‌كولابان و نه‌ئازراندبان بانگه‌شه‌كرن ژبۆ هه‌لبژارتنێن ئیراقێ دڤیا جودا بت ژ بانگه‌شه‌یا كو وه‌ره كرن ژبۆ په‌رله‌مانێ كوردستانێ دڤیا خاله‌ك بئه‌ڤى ره‌نگیژى لبه‌رچاڤ هاتبا وه‌رگرتن خاله‌كا دى كو دخوازم ئاماژێ پێ بدم ئه‌زگوهداریا هنده‌ك به‌ربژاران دكم دپێشكێشكرنا پرۆگرامێ خوه‌دا هنده‌ك پشتا دبێژن هه‌ر د بنیدا ئه‌و شۆلا په‌رله‌مانته‌رى نینه نه د چارچووڤێ كارێ وى دایه ل ڤێره ژى دیسا جودابوون هه‌یه د ناڤبه‌را یه‌رله‌مانێ به‌غدا و یێ هه‌ڤلێرێ دا ل به‌غدا كوردان خه‌لكێ هه‌رێما كوردستانێ هنده‌ك مافێن ده‌ستوورى یێن هه‌ین ئه‌وماف ژى ژلایێ حوكمه‌تێن یه‌ك ل په‌ى یه‌كێن به‌غداڤه هاتینه بنپێكرن په‌رله‌مه‌نترێن كورد دێ چته به‌غدا داكو وى مافێ ره‌وایێ وه‌لاتیێ كورد ڤه‌گه‌رینت، له‌وماژی په‌رله‌مه‌نته‌رێن كورد لبه‌غدا پێدڤیا كوده‌نگى و یه‌كرێزیێ یه پاشێ زیره‌كى و ئه‌زمان و شاره‌زاى د ئاڤاكرنا په‌یوه‌ندیێن بهێز و لۆبیه‌كێ و راكێشانا په‌رله‌مه‌نته‌رێن نه‌كورد و زه‌لالكرنا دۆزا گه‌لێ خوه و ئه‌ومافێن ره‌وایێن ل وان هاتینه خوارن گه‌له‌ك گرنكه بتایبه‌ت ژبۆ چوونا به‌غدا په‌رله‌مه‌نته‌رێ كورد بزانت ئارمانجا وى یا سه‌ره‌كى چیه و چما چوویه به‌غدا كو ب دروستى جودایه ژ چوونا په‌رله‌مانێ كوردستانێ لێ لبه‌رى ڤێ هه‌میێ دڤیا ره‌خنه‌یه‌ك یان گازنده‌ك ژپارتیێن كوردی ژى لسه‌ر ڤى بابه‌تى وه‌ره كرن ژبۆ كاندیدكرنێ ب تایبه‌ت ژبۆ به‌غدا خه‌لكه‌ك خوه‌دى كه‌ساتێن بهێز و شاره‌زاییه‌ك دروست د زمانێ عه‌ربی دا هه‌ى و خوه‌دى سه‌ربۆر كاندید كربان ژبۆ به‌غدا ل هه‌لبژارتنێن چه‌ند سالێن ده‌ربازبووى ژبۆ په‌رله‌مانێ به‌غدا كه‌سه‌ك ژ ئالیێ پارتیه‌ك كوردیڤه پشتى هاتیه كاندیدكرن ژنوى بۆ خوه مامۆستایه‌ك گرت و گوتێ وه‌ره من فێرى زمانێ عه‌ره‌بى بكه، هه‌لبه‌ت چارسالێن ڤى براده‌رى ده‌ربازبوون یه‌كجار ژى ده‌ستێ خوه بلند نه‌كر ب سه‌دان گه‌نگه‌شه لهولا په‌رله‌مانى دهاتن كرن وى 70% ژێ نه دزانى بابه‌ت چیه خه‌لك ده‌نگده‌رێن وى ل ڤێره باجا ڤێ نه‌زانیێ دده‌ن ژدل سه‌ركه‌فتنێ ژبۆ وى كاندیدى دخوازم یێ خزمه‌تا خه‌لكێ وى ئارمانجا وى بیت.
