خواندنا پرتۆكان بۆ ڤه‌ژین و رێخستنا مه‌ژیێن خوه بكاربینن
سالح حه‌كیم
هه‌ر تشته‌كێ ب ژیانا مرۆڤان ڤه گرێدایی، پێنه‌ڤێت پێدڤی گرنگیدانێ یه خواندنا په‌رتوكان ژی ئێك ژ ئه‌مرازێن خوه پێگه‌هاندن و فێركرن و وه‌رار و پێشڤه‌برنا زانینێ یه د هه‌موو بیاڤێن ژیانێ دا، ئانكو كانیكا ڤه‌زێتنا زانینێ بۆ پێشڤه‌چوونا جڤاكێ، داكو ئه‌م خوه بنیاسیت ڕه‌وشه‌نبیر بكه‌ین خواندنا پرتۆكان ده‌ستپێك و دوماهیا پێگه‌هێ هزرا ته ل جهه‌كی كۆم دكه‌ت، هێزێ دژه‌نیت، ئانكو دشێن بێژین چه‌كه‌كه بۆ به‌رگریكرنێ بۆ هه‌ر كاودانه‌كی دا دشێی شه‌ڕی دژی نه‌زانیێنێ پێكه‌ی ڕاسته ته‌كنه‌لۆژیا پێشكه‌ڤتی ب رێیا تۆرێن جڤاكی مرۆڤ دكاریت هه‌ر نووجه‌ك و پێزانینه‌كا هه‌ی ب ساناهی وه‌ربگریت به‌لێ تایبه‌تمه‌ندیا خواندنا په‌رتووكان رێكه‌كا دیه بۆ سه‌ركه‌فتنێ، لێ مخابن گه‌له‌ك ژ مه ب ڤی ئه‌ركی خوه ئاڤاكرنی نارابن زۆر دسستین د خواندنا په‌رتووكان دا گه‌له‌ك جاران ب گشتی پرس دهێن كرن هه‌ڤال ژ هه‌ڤالی یان بابه‌ك ژ كوری خوه دكه‌ت كا تو پرۆكان دخوینی دێ ب به‌هانه‌یا وێ چه‌ندێ پا ئه‌ز ناگه‌هێم بخوینم یان هنده‌ك دبێژن ما كێ گێولێ خواندنا په‌رتووكان هه‌یه، چونكی ئه‌ڤه بۆچوونا وی یه هۆزانڤانێ ب ناڤوده‌نگێ ئه‌لمانی (هنێری هاینه) دبێژیت ئه‌وێ په‌رتووكێ نه‌خوینیت، یان بسۆژیت ئه‌و دێ مرۆڤان ژی سۆژیت، ئانكو هزر و بیرمه‌ندیا به‌هره‌مه‌ندان پێدڤیه به‌رچاڤ بهێنه وه‌رگرتن، چونكی په‌رتووك ئه‌ده‌بیاتیا گه‌لانه له‌و سه‌ر مه پێدڤیه ئه‌م خوه ماندی بكه‌ین به‌رده‌وام هه‌ول و بزاڤانێن پێڤاژۆیا زانستی دوورنه‌كه‌ڤین بلا ڕه‌شبینی نه بیته فاكته‌رێ دووربوونا ته ژ ئاڤاكرنا كه‌سایه‌تیا ته ژ ژیانی دڤێت هه‌ر ب گه‌شبینی هه‌موو ب بوارێن ژیانێ دا ب ئه‌رێنی كار سه‌ر بكه‌ین، هه‌كه نه هینگێ دێ هه‌می قووناخێن ژیێ خوه ب دۆرهێله‌كێ تاری ده‌ربازكه‌ین دوورنینه ژی ده‌رئه‌نجامێن هه‌ری خراب ل پێشیا مه مینن گه‌له‌ك پێدڤیه مرۆڤ ژیانا خوه رێكبێخیت و رێیا دورست بگریت به‌ری ئێك رێكێ نیشا ته بدده‌ت.
