ده‌يلى ته‌لگراف: ژ به‌ر ئورۆپا داعش حه‌ز ل سه‌ر ليبيا يا هه‌يى
ئه‌ڤرۆ نيوز:
رۆژناما ده‌يلى ته‌لگراف بابه‌ته‌ك ل دۆر گرنگيا ليبيا بۆ داعش به‌لاڤكريه و ئاماژه ب وێ چه‌ندێ كريه كو ليبيا ده‌رگه‌هه‌كێ گرنگێ ستراتيژى يه بۆ برنا شه‌رى بۆ ناڤ ئۆرۆپا.
ئه‌ڤ رۆژنامه ئاماژێ ب وێ چه‌ندێ دكه‌ت كو ليبيا بۆ داعش ده‌رگه‌هه‌كێ گرنگه به‌ر ب ئۆرۆپا و ئاشكه‌را كريه كو ئه‌و بزاڤێ دكه‌ت هژماره‌كا گه‌له‌ك مه‌زن يا چه‌كدارێن خوه ژ عيراق و سوريا ڤه‌گوهێزيته وى وه‌لاتى ل وێرێ وه‌كو ئاواريێن نه‌يێن شه‌رعى به‌رێ وان بده‌ته ئورۆپا و شه‌رى ڤه‌گوهێزيته وێرێ.
ئه‌ڤ رۆژنامه پێشبينيا وێ چه‌ندێ ژى دكه‌ت كو ئه‌ڤ چه‌كداره هێرشێ بكه‌نه سه‌ر باشوورێ ئورۆپا و ئه‌و گه‌شتيێن بازرگانى يێن ل ده‌ريا ناڤه‌راستا سپى و ئه‌ڤه يه مه‌ترسيا ليبيا ل ده‌ف رۆژئاڤا گه‌له‌ك مه‌زن دده‌ته دياركرن.
به‌رپرسێ هه‌والگه‌ريا بريتانيا يێ به‌رێ سير جۆن سويرز راگه‌هاند كو بريتانيا يا خواستيه كو هژماره‌كا چه‌كدارێن خوه ببه‌ته وى وه‌لاتى دا نه‌هێليت تۆندڕه‌ويى ل وێرێ پێشڤه‌چوونێ ب خوه ڤه ببينيت.
وه‌زيرێ ناڤخۆيا ئيتاليا ژى راگه‌هانديه كو زێده‌ترى 200 هزار ئاوارێن نه‌يێن شه‌رعى رووى ل گزيرتا لامبيدوزا كريه كو هه‌موو ژ ليبيا چووينه وێرێ.
