پسپۆره‌كێ گیا ده‌رمانان: ده‌رمانێن گیایی به‌شه‌ك ژ نساخیان ژ ناڤ ده‌به‌ت
هه‌ولێر، سولین سلێمان
د. به‌در قادر سوورچی پزیشكێ گیا ده‌رمانانه پسپۆری ڤی بوارییه د دیداره‌كێدا بۆ رۆژناما ئه‌ڤرۆ دیاركر “هه‌ر ژ زه‌مانێ به‌رێڤه پشكه‌كا زۆر یا وه‌لاتیان گیا ده‌رمانێن سروشتی بكارئیناینه ، نوكه ب چه‌نده‌ها فروشگه‌هان ڤان جۆره ده‌رمانان ب وه‌لاتیان دفروشن كۆ ژ بۆ چاره‌سه‌ریا چه‌نده‌ها نه‌خۆشیان دهێنه بكارئینان.
ناڤهاتی خویاكر “نێزیكی 80 ژ سه‌دێ ل ته‌ڤایا جیهانێ گیا ده‌رمانێن سروشتی بكاردئینن، چونكی به‌شه‌كێ نه‌خۆشیان ب دووماهی دئینن و به‌شه‌كێ دی ژی دبنه تمامكه‌رێ ده‌رمانێن پزیشكی، چونكی كوردستانێ ب گیا ده‌رمانێن زۆر یا ده‌وله‌مه‌نده و دشێت پشكا ئیراق و سوریایێ ژی ده‌رمانێن گیایی به‌رهه‌م بینیت.
گۆت ژی: ل دۆر ئامارێن رێكخراوا ته‌ندروستیا جیهانیا who رێژه‌كا زۆرا وه‌لاتیان ڤان جوره ده‌رمانان بكاردئینن، ئه‌ز ئێكه‌م كه‌سێ ئه‌كادمی مه دناڤا ڤی بیاڤی دا و نوكه خه‌لك پتر یێ هوشیاره د بكارئینانا ڤان ده‌رمانان دا.
د. به‌در ئاشكرا ژی كر “كوردستان زۆرا ده‌وله‌مه‌نده ب گیا ده‌رمانان، چونكی دناڤا وان شاخێن كوردستانێ مه گه‌له‌ك گیا هه‌نه و گیایێن مه ژی هه‌می ئورگانیكن و سروشتینه، جهێ داخێ یه تا نۆكه مه كارگه‌هێن گیا ده‌رمانان نینه ل سلێمانیێ مه هنده‌ك كارگه‌ه هه‌نه، لێ تشته‌كێ زۆر ساده‌یه و گۆت: ئه‌و گیا ده‌رمانان ل ده‌ف عه‌تارا هه‌ی نه‌شێت جهێ گیا ده‌رمانێن كیمیایی بگریت، چونكی هنده‌ك پێكهاتێن دی دناڤا واندا یا هه‌ی.
