كێشه‌یا جادده‌یا ئیبراهیم خه‌لیل هاته چاره‌سه‌ركرن
زاخۆ، عه‌لی حاجی:
رێڤه‌به‌رێ ناوچه‌داریا رزگاری بۆ رۆژناما ئه‌ڤرۆ دیار كر، هه‌ر ژ ده‌ستپێكا زاخۆ هه‌تا دوڕیانا گوندێ گرشینێ دێ بیته جۆتساید و خرابیا جادده‌یا ده‌رگه‌هێ نێڤده‌وله‌تی یێ ئیبراهیم ژی دێ هێته چاره‌سه‌ركرن.
ئه‌دیب جه‌عفه‌ر، رێڤه‌به‌رێ ناوچه‌داریا رزگاری گۆت: “پشتی سه‌ره‌دانا مه‌سرور بارزانی، سه‌رۆكێ حكومه‌تا هه‌رێما كوردستانێ بۆ ئیداره‌یا سه‌ربخوه یا زاخۆ، رازیبوون ل سه‌ر دروستكرنا پشكا مایی ژ جادده‌یا سه‌ره‌كی یا ده‌رگه‌هێ نێڤده‌وله‌تی یێ ئیبراهیم خه‌لیل هه‌تا گوندێ باچیكا ب درێژاهیا سێ كێلومه‌تر و ٦٠٠ مه‌تران ده‌ربڕی، ئه‌و پشكا مایی ژ جادده‌یێ گه‌له‌ك خراب ببوو، نوكه كۆمپانیه‌كا ناڤخوه‌یی ده‌ست ب كاری كریه و ئه‌و جادده‌یه دێ بیته جۆتساید هه‌تا گوندێ باچیكا و گوژمێ زێده‌تری ١٨ ملیار دینارێن ئیراقی بۆ هاتینه ته‌رخانكرن و كێشه‌یا خرابیا جادده‌یێ ژی نامینیت”.
ناڤبری گۆتژی: “گرنگیه‌كا تایبه‌ت ب رۆناهیكرنا وان جادده‌یان ژی هاتیه دان و هه‌ر ژ زاخۆ هه‌تا ده‌رگه‌هێ نێڤده‌وله‌تیێ ئیبراهیم خه‌لیل هاتیه روناهیكرن”.
