فازل میرانی: هەكە بافل و قوباد تالەبانی سیاسەتا مام جەلالی پەیڕەو بكەن كێشە د ناڤبەرا مە دا ڕوو نادەن

ئەڤرۆ

بەرپرسێ دەستەیا كارگێریا مەكتەبا سیاسی یا پارتی دیموكراتی كوردستان، ڕاگەهاند، ئەڤ دووربوونا برادەرێن ئێكەتیێ ژ پارتی، وەسا پێ دچیت دخوازن جهگرەكی بۆ پارتی ببینن و گوت ژی، هەكە بافل وقوباد تالەبانی سیاسەتا مام جەلالی پەیڕەو بكەن، كێشە د ناڤبەرا پارتی و ئێكەتیێ دا ڕوو نادەت.
ب دیتنا فازل میرانی، بەرپرسێ دەستەیا كارگێریا مەكتەبا سیاسی یا پارتی دیموكراتی كوردستان، نوكە كورسیێن پێكهاتەیان ئێك ژ كێشەیێن د ناڤبەرا پارتی و ئێكەتیێ دایە و باس ل وێ چەندێ ژی دكەت «مە پێ باشە زێدەتر ئەم و ئێكەتی ل سەر پێكهاتەیان نەبینە بڕیاردەر، نەبینە پارێزەرێن وان، ئەڤجا مەسیحی بن یان توركمان. ئەو ب خوە هەر بڕیارەكێ بدەن بلا ئەم قبوول بكەین».
بەرپرسێ دەستەیا كارگێریا مەكتەبا سیاسی یا پارتی گوت ژی» كێشەیێن پارتی و ئێكەتی بۆ دووماهیا سالێن شێستان دزڤرن، بەلێ پشتی سالا 1998 و ژئەگەرێ وێ تێكگەهشتنا دناڤبەرا سەرۆك مەسعود بارزانی و رەحمەتی مام جەلالی دا هەی، ئەڤ كێشە ئارامتر بوون»
فازل میرانی گوت ژی» هەكە بافل تالەبانی و قوباد تالەبانی سیاسەتا مام جەلالی پەیڕەو بكەن، ئەڤ كێشە ڕوو نادەن».

کۆمێنتا تە