سەرۆكێ حوكمەتێ بۆ پارێزگەرێن هەرێمێ: هاریكاریێن پێدڤی پێشكێشی زیاندارێن لەهیان بكەن

مەسرور بارزانی، سەرۆكێ حوكمەتا هەرێما كوردستانێ پشتی باران و لەهیێن ڕۆژا پێنجشەمبیا بۆری ل چەندین دەڤەرێن هەرێمێ ڕووداین، پەیوەندی ب پارێزگەرێن (هەولێر، سلێمانیێ، دهۆك و هەلەبجە) كر. ب گۆڕەی بەیاننامەیەكا حوكمەتا هەرێمێ، سەرۆكێ حوكمەتێ پارێزگەر ڕاسپاردن كو هەموو بزاڤێن دەزگەهێن حوكمەتێ بكاربینن بۆ ب هاوارچوونا وەلاتیان و پێشكێشكرنا هاریكاریێن پێدڤی بۆ زیانداران. هەروەسا ئاماژەكر كو سەرۆكێ حوكمەتێ سوپاسیا پارێزگاران كر بۆ وان پێرابوونێن گرتینە بەر بۆ كێمكرنا كاریگەریا نەرێنی یا ئەگەرێ لەهیان و بەرهەڤیێن وان ل دۆر وێ چەندێ.

کۆمێنتا تە