شاخەوان عەبدوللا: بەرپرسیارەتیا نەهنارتنا شایستەیێن هەرێما كوردستانێ د ستوویێ بەغدا دایە
جێگرێ سەرۆكێ جڤاتا نوونەرێن ئیراقێ ڕادگەهینیت: هەرێما كوردستانێ هیچ بهانەیەك بۆ بەغدا نەهێلایە بۆ وێ چەندێ پشكا بودجە و مووچەی بۆ نەهنێریت.
شاخەوان عەبدوللا، جێگرێ سەرۆكێ جڤاتا نوونەرێن ئیراقێ گوت» هەرێما كوردستانێ هەموو پێگیریێن خوە بەرامبەر حوكمەتا فیدرالی بجهئیناینە و هیچ بهانەیەك نەمایە بۆ ویچ چەندێ حوكمەتا فیدرال بودجە و مووچە و شایستەیێن هەرێمێ نەهنێریت».
ڕۆهنكر ژی» بهانەیێن بەرێ یێن حوكمەتا فیدرال پێكهاتبوون ژ هووربینیێ د داهاتێن هەرێما كوردستانێ دا ژ ئالیێ دیوانا چاڤدێریا دارایی یا فیدرال ، كو پاشی كارێ خوە كر و ڕاپۆرتا خوە ل ڕۆژا سێشەمبیا هەفتیا بۆری پێشكێشی جڤاتا وەزیرێن فیدرال كریە، ب ڤێ چەندێ ژی دوماهی ب بهانەیێن وان هاتیە».
شاخەوان عەبدوللا گوت ژی» هیچ تشتەك د ستوویێ هەرێما كوردستانێ دا نەمایە، دو تەمویلێن دارایی پشتی پەسەندكرنا بودجەی دكەڤیتە ئالیێ حوكمەتا فیدرال».
