نێچیرڤان بارزانی: ئیراق و هەرێما كوردستانێ د گەلەك بواراندا دشێن مفای ژ ئەزموونێن هندستانێ وەربگرن
دوهی سێشەمبی 22/8/2023 نێچیرڤان بارزانی، سەرۆكێ هەرێما كوردستانێ د دیدارەكێ دا ل گەل مادان گۆپال، قونسلێ گشتیێ نوو یێ وەلاتێ هندستانێ ل هەرێما كوردستانێ و شاندەكێ دگەلدا، سەرەرای ب خێرهاتنێ، پشتەڤانیا خوە و ئالیێن پەیوەندیدارێن هەرێما كوردستانێ بۆ سەرئێخستنا ئەركێ وی و پێشڤەبرنا پەیوەندیێن هندستانێ ل گەل هەرێما كوردستانێ، دەربری.
سەرۆكێ هەرێما كوردستانێ د وێ دیدارێ دا دوپاتكر كو هندستان وەلاتەكە، ئیراق و هەرێما كوردستانێ ب شێوەیەكێ گشتی دشێن د گەلەك بواراندا مفای ژ شارەزایی و پسپۆری و ئەزموونێن وێ وەربگرن، لەوما یا فەرە هەرێما كوردستانێ گرنگیێ ب پەیوەندیان ل گەل هندستانێ بدەت. ب تایبەتی ئاماژە ب گرنگیا ڤەكرنا گەشتێن ڕاستەوخوە یێ ئەسمانی د ناڤبەرا هەرێما كوردستانێ و هندستانێ دا كر.
ژ ئالیێ خوەڤە قونسلێ گشتیێ نوو یێ وەلاتێ هندستانێ ل هەرێما كوردستانێ خوەشحالیا خوە ب دەستبكاربوونێ ل هەرێما كوردستانێ نیشاندا و دوپاتی ل كار و بزاڤان كر بۆ پێشڤەبرنا پەیوەندیێن وەلاتێ خوە ل گەل هەرێما كوردستانێ.
