مەسرور بارزانی: مافێ زیانڤێكەفتیێن دەستێ ڕژێما بەرێ یا ئیراقێ یە بهێنە قەرەبووكرن
سەرۆكێ حوكمەتا هەرێما كوردستانێ ل سالڤەگەرا 35 ێ یا ئەنفالا بەهدینان پەیامەك بەلاڤكر و تێدا دبێژیت» ب ڕێز ڤە بیرئینانا قوربانیێن وێ تاوانا مەزن و هۆڤانە یا ڕژێما بەرێ یا ئیراقێ دكەین كو ئارمانجا وێ قڕكرن و جینۆسایدكرنا گەلێ كوردستانێ بوو ب هەموو پێكهاتەیێن وێ ڤە».
مەسرور بارزانی، سەرۆكێ حوكمەتا هەرێما كوردستانێ، د پەیاما خوە دا دبێژیت» جهێ داخێ و دلتەنگییێ یە هەتا نوكە مادەیا 132 ژ دستوورێ ئیراقێ نەهاتیە بجهئینان كو تایبەتە ب قەرەبووكرنا زیانڤێكەفتیان و كەسوكارێن قوربانیێن هەوا ئەنفالێ و تاوانێن ڕژێما بەعسا ئیراقێ».
وەكو مەسرور بارزانی دبێژیت» مافێ ڕەوا یێ خەلكێ كوردستانێ و ب تایبەتی كەسوكار و زیانڤێكەفتیێن سەرۆكی یێن دەستێ ڕژێما بەرێ یا ئیراقێ یە كو ب شێوەیەكێ هەژی بهێنە قەرەبووكرن و پشتڕاستكرن كو جارەكادی تووشی جینۆسایدێ نابن»
