مەكتەبا سیاسی یا پارتی: 31 ئاب خالەكا وەرچەرخانێ بوو د دیرۆكا خەباتا گەلێ مە دا
مەكتەبا سیاسی یا پارتی دیموكراتی كوردستان ڕەت دكەت بەرسڤا بەیاننامەیەكا مەكتەبا سیاسی یا ئێكەتی نیشتمانی كوردستان ل دۆر ڕوودانا 31 ئاب بدەت و دبێژیت (جواب اڵاحمق السكوت) هەروەسا دوپاتیێ ل وێ چەندێ دكەت كو ڕوودانا 31 ئاب خالەكا وەرچەرخانێ بوو د دیرۆكا خەباتا گەلێ مە دا.
مەكتەبا سیاسی یا پارتی دیموكراتی كوردستان د بەیاننامەیەكێ دا بەلاڤكر» مەكتەبا سیاسی یا ئێكەتی نیشتمانی كوردستان، ل ڕێككەفتی 30/8/2023، بەیاننامەیەكا دوور و درێژ و بێ ناڤەرۆك، دوور ژ ڕاستیێ و پڕ جەواشەكاری ب هەلكەفتا 31 ئاب بەلاڤكر».
ڕوودانا 31 ئاب سالا 1996، وەكو مەكتەبا سیاسی یا پارتی دیموكراتی كوردستان د بەیاننامەیا خوە دا ئاماژە پێكری» خالەكا وەرچەرخانێ بوو د دیرۆكا خەباتا گەلێ مە دا و ئەنجامێن وێ هەرێما كوردستانێ بەر ب ئاراستەیەكێ نیشتمانی و ئاڤەدانكرنێ و سەقامگیریێ پێنگاڤ هاڤێتن».
پارتی ڕەت دكەت بەرسڤا وێ بەیاننامەیا پڕ ژ تۆمەت و دوور ژ ڕاستیات یا ئێكەتیێ بدەت، چونكە وەكو ئاماژە پێ هاتیە كرن» ناڤەرۆكا وێ ئاستێ وان نیشان ددەت و ( جواب اڵاحمق السكوت)».
