وەزیرێ دارایی: ئیراق پێگیری ڕێككەفتنێن خوە ل گەل هەرێما كوردستانێ نەبوویە
وەزیرێ دارایی وئابۆری ل حوكمەتا هەرێما كوردستانێ ڕاگەهاند: هەرێما كوردستانێ ل گەل چارەسەریا كێشایە ل گەل بەغدا ب گۆرەی دستووری، بەلێ ئیراق پێگیری ڕێككەفتنان نەبوویە .
ئاوات شێخ جەناب، وەزیرێ دارایی و ئابۆری ل حوكمەتا هەرێما كوردستانێ د چارچۆڤەیێ پێشوازیكرنێ ل شاندەكێ پەرلەمانێ كەنەدا ژ پارتێن جودا یێن وی وەلاتی ڕاگەهاند» هەرێما كوردستانێ دەڤەرەكا گونجایە بۆ كۆمپانیێن بیانی تاكو وەبەرئێنانێ د كەرتێ جودا یێن چاندنێ، پیشەسازی و گەشتوگوزاری دا بكەن».
وەزیرێ دارایی و ئابۆری سەبارەت پەیوەندیێن هەرێما كوردستانێ و بەغدا ڕۆهنكر» سیاسەتا كابینەیا نەهێ یا حوكمەتا هەرێما كوردستانێ چارەسەركرنا كێشەیان بوو ل گەل بەغدا ب گۆرەی دستووری د وی چارچۆڤەی ژی دا چەندین ڕێككەفت ل گەل حوكمەتا ئیراقێ هاتینە ئەنجامدان، بەلێ پاشی ژ ئەگەرێ پێگیری نەكرنا حوكمەتا ئیراقێ، ڕێككەفتن نەهاتنە بجهئینان».
ئاوات شێخ جەناب گوت ژی» هەكە قانوونا بودجەیا ئیراقێ وەكو خوە بهێتە بجهئینان، هەرێما كوردستانێ دشێت پشكەكا مەزن یا كێشەیان چارەسەر بكەت».
وەزیرێ دارایی و ئابۆری ئاماژە ب وێ چەندێ ژی كر كو چەندین بزاڤێن ناڤخوەیی و نێڤدەولەتی هەنە بۆ چارەسەركرنا كێشەیان.
