سەرۆك بارزانی: دامەزراندنا ئێزگێ دەنگێ كوردستانێ وەرچەرخانەك بوو دگەهاندنا دەنگێ ڕەوا یێ گەلێ مە دا

د سالڤەگەرا 60 سا دامەزراندنا ئێزگێ دەنگێ كوردستانێ، سەرۆك مەسعود بارزانی پەیامەك بەلاڤكر و د پشكەكا وێ دا دبێژیت، دامەزراندنا ئێزگێ دەنگێ كوردستانێ، شۆڕەش و وەرچەرخانەك بوو د گەهاندنا دەنگێ ڕەوا یێ گەلێ مە دا و د هەمان دەم دا ژی بوو ژێدەرێ ئیلهام و بەرچاڤڕۆهنی بۆ شۆڕەشگێر و پێشمەرگێن قەهرەمان و ڕێكخستنێن حزبی و هەموو تەخ و چینێن گەلێ كوردستانێ و ڕۆلەكێ كارگەر هەبوو د گەهاندنا پەیاما شۆڕەشێ بۆ سەرانسەری كوردستانێ و دەڤەرێ و جیهانێ و ڕۆلێ ئێزگێ خەباتكەرێ دەنگێ كوردستان د قۆناغێن جودا یێن شۆڕەشێ دا وەكو بیرئینان دێ مینن.

کۆمێنتا تە