هێمن مه‌هدی: 90% فیدراسیۆنێن یارییا تایكواندۆیێ پشته‌ڤان نینن
زاخۆ،عەلی حاجی :
د داخویانیەکێ دا قارەمانەکێ جیهانی یێ یاریا تایکواندۆیێ و دادڤانێ نێڤدەولەتی بۆ رۆژناما ئەڤرۆ دیار کر ٩٠٪ فیدراسیۆنا تایکواندۆیێ پشتەڤانیێ ل یاریزانان ناکەت و پێدڤی ب پێداچوونێ هەنە.
زێدەتر هێمن مەهدی گۆت: د نوکە یاریزان و یانەیێن تایبەت ب یارییا تایکواندۆیێ ل کوردستانێ بەر ب کێمبوونێ ڤە چووینە و ئەگەرێ سەرەکی پشتەڤانییا ڤێ یاریێ ناهێتە کرن و گەلەک یاریزان و راهێنەر و دادڤان هەنە هاتنووچوونێ ژ کیستێ خوە ده‌ن و ٩٠٪ فیدراسیۆنێن له‌قا و ناڤەندی پشتەڤانیێ ناکەن و چالاکیێن وان گەلەک د کێمن و ئەڤ فیدراسیۆنه پێدڤی ب پێداچوونا کاری هەیە، ئێکەم یاریزانم ل سەر ئاستێ ئیراقێ پشکداری د قارەمانیا جیهانی دا کری و رێزا ئێکێ ب دەستخوەڤە ئینایی، گەلەک یاریزان هەنە دێ پشکداریێ د قارەمانیەکا ڤەکری دا کەن ودێ ب قارەمانیەکا نێڤدەولەتی دانن بەرۆڤاژی وەسا نینە لەوما گرنگە ئێدی جاددەیا وەرزشی نەهێتە خاپاندن و جاددەیا وەرزشی ژی بزانیت بتنێ قارەمانیا ئاسیا و یا جیهانی و ئۆلمپپادا جیهانی ژ قارەمانیێن نێڤدەولەتی نە و زەحمەت ژی ل ئیراقێ دا کەسەکێ شیابیت پشکدار ببیت یان ژی ناسناڤەک دەستڤەئینا بیت.
ناڤبری گۆت ژی: پێدڤییە حوكمەتا هەرێما کوردستانێ ژی پشتەڤانیێ ل ڤێ یاریێ بکەت ژبەرکو باشترین یاریزان، راهێنەر، دادڤان و یاریزانێن کچ ل سەر ئاستێ ئیراقێ کوردن و هژمارا ئێکن د ڤێ یاریێ د، پێدڤییە سیستەمەک ژلایێ فیدراسیۆنێ و حکومەتێ ڤە بهێتە دانان کو یاریزان و راهێنەرێن باش و نەباش ژێکجودا بکەت و هەلسەنگاندن بهێتە کرن داکو یاریزانێن خودان دەستکەڤت رێز لێ بهێتە گرتن و یاریزانێن باش ژی بشێن ناسناڤان بناڤێ کوردستانێ ب دەستخوەڤە بینن.
