یۆسن بۆلت: بۆ نەهـ چركێن غاردانێ چار سالان من راهێنان كرینە
ستێرێ جامایكی یۆسین بۆلت بلەزترین یاریزانێ جیهانێ بۆ غاردانا 100م و 200م یا یاریێن مەیدانێ دیار كر ب دەستڤە ئینانا هەر ناسناڤەكی راهێنانێن بەردەوام و بهێنفرەهی پێدڤێت.
ناڤهاتی بۆ دەزگەهێ وورلد ئەتلەتیكس گۆت: هەرچەندە پشتی بۆرینا 12 سالان هێتشا هژمارا پیڤایی یا جیهانێ بۆ 100م د ماوەیێ نەهـ چركە و58 پشك ژ چركەكێ دیسان بۆ غاردانا 200م 19 چرك و 19 پشك ژ چركەكێ ب ناڤێ من د تۆمارێن ئۆلمپیادا جیهانی هاتییە تۆماركرن و كەس نە شیاییە بشكێنیت، ب سانەهی ژی نابیت ئەڤ هژمارە بهێنە شكاندن، ژبەركو د 100م دا كێمترین خەلەتی یاریزان تووشی شكەستنێ دبیت.
هەروەسان گۆت: ب دەستڤە ئینانا ئەڤی ناسناڤی گەلەك بزەحمەت بوو، بۆ ماوەیێ چار سالان من راهێنانێن بەردەوام دكرین بتنێ دا بشێم نەهـ چركا غاردانێ بكەم و نمرەكا نوو تۆماربكەم، لەوما هەر دەستكەفتەك پێدڤی ب وەستیانێ و قۆربانی دانێ ب تشتەكی یە.
بۆ زانین یۆسن بۆلت یێ 36 سالی وەكو بلەزترین یاریزانێ جیهانێ یە، شیایە 23 میدالیێن زێریی و پێنج یێن زیڤی و برۆنزی ب دەستڤە بینت، دووماهی پشكدارییا وی ل 2017ێ بوو پشتی تووشی هنگاڤتنێ بوویی.
