مەرجەكێ نهێنی یێ هالاندی د بەرژوەندییا ریال مەدرید دا
راپۆرتێن رۆژنامەڤانی سۆپرایزەكا نهێنی یا مەرجێن گرێبەستا ئیرلینگ هالان ستێرێ نەرویجی و یانەیا مانچستەر ستی یا ئنگلتەرا دیار كر كو د بەرژوەندییا یانەیا ریال مەدرید یا ئسپانی دا یە.
رۆژنامەیا ئاس دیار كر د ناڤەرۆكا گرێبەستا هالاندی مەرجەكێ نهێنی هاتییە ئاشكەرا كرن ئەوە هەر یانەكا ئیرلینگ هالاند گرێبەستا وی ئیمزا بكەت دڤێت 200 ملیۆن یۆرۆیان وەكو مەرجێ بەرانبەر دەستبەردابوونێ ب دانیت، لێ یا نهینی دا و نە هاتییە دیاركرن ئەوبوو كو ئەڤ مەرجی ب تنێ بۆ یانەیێن پشكدار د خولا ئنگلتەرایێ دا، ئانكو یانەیا ریال مەدرید دشێت كێمتر ژ ڤێ كۆژمەیی بۆ ئینانا هالاندی بینت.
هەمان رۆژنامەیێ دیار كر د ناڤەرۆكا گرێبەستێ ئەو یانەیێن دەرڤەیی ئنگلتەرا دشێن 120 ملیۆن یۆرۆ وەكو بەرانبەر دەستبەردابوونێ گرێبەستێ دگەل ستێرێ مان ستی ئیمزابكەت، ئەڤچەندە بوویە دەلیڤەكا باش بۆ ریال مەدرید هەكە نە گەهشتنە رێكەفتنێ دگەل ستێرێ فرەنسی و پاریس سانجێرمان كیلیان مباپی ئەو دشێن دانۆستاندنێ دگەل ستێرێ نەرویجی بكەن.
