یانەیا بەردەڕەش ستافەكێ نوو بۆ تیما تەپا پێی دەستنیشانكر
د داخویانیەكێدا سەرۆكێ یانەیا بەردەڕەش دیاركر ئەوان دەست ب بەرهەڤییان بۆ خولا پلا دوی یا كوردستانێ یا تەپا پێی كرییە و پێنگاڤا ئێكێ ستافێ راهێنەران دەستنیشانكر پێكهاتینە ژ عەلی رەئۆف راهێنەرێ، دلشاد عەبدولسەلام هاریكارێ راهینەری، موافق كاكل راهێنەرێ گولپارێزان و شەمسەدین ئیبراهیم سەرپەرشتیار ، ئەڤ ستاڤە هەمی خەلكێ بەردەڕەشن دگەل یاریزانان ژی.
زێدەتر سەمیر عەبدولقادر بۆ ئەڤرۆ گۆت: مە دەست ب دارشتنا پلانا كرییە بۆ وێ چەندێ ئەڤسالە یانەیا بەردەڕەش تیمەكا ب هێز دروستبكەت ڕكابەرەكا ب هێز بیت ل ناڤ خۆلێ دا سەركەفتنێن باش تۆمار بكەین، مە بڕیار دایە یاریزانێن بیانی بینیت ناڤ رێزێن تیمێ دا كو دو بۆچوون هەنە یان یاریزانێن ئیرانی یان ئیراقی ل خولا پلە دوا كوردستانێ ئەڤسالە دێ یاریێ بۆ مە كەن.
ناڤبری گۆتژی: رەوشا ئابووریا یانەیا بەردەڕەش گەلەك یا خرابە لێ گرێبەستا یاریزانێن بیانی ب هەر رەنگەكێ بیت و ب نەچاری دڤێت چارە بكەین، چونكی یانەیێ پێدڤی پێ هەیە و رەوشا ئابووری ژی هاریكار نینە .
ناڤهاتی خویاكر: پتریا یانەیێن كوردستانێ دەیندارن ژ وانا یانەیا مە، داهاتێ یانەیێ ل بوارێ وەبەرهێنانی گەلەك یێ كێمە كێمترە ل سێ میلۆن دیناران ئەڤە پشكا خەرجیا یانەیێ ناكەت، ئەگەر داهاتەكێ باش هەبوو دێ یانەیەكا ب هێز دروستكەین لێ ئەڤا نوكە ل گۆر شیانێن ئابووری ئەم یێ ب رێڤە دبەین.
