زاخۆ پێنگاڤه‌ك بۆ به‌رژوه‌ندییا جه‌ماوه‌رێ خوه هاڤێتییه
عەلی حاجی:
د داخویانیەکێ دا سه‌رپه‌رشتێ تیما باسکتبولا یانه‌یا زاخۆ بۆ رۆژنامه‌یا ئەڤرۆ دیار کر بڕیارا فیدراسیونا باسکێت بۆلا ئیراقێ ل دۆر سزایێن کەڤتینە سەر تیما وان ئێکلابووینە و چاڤێ وان ل چارگوشا زێرینه.
زێدەتر عەبدولستار عەلی گۆت: ده‌رئه‌نجامێ روودانێن یارییا مە بەرانبەر یانه‌یا شورتە ژ خولا نایابا ئیراقێ باسکێت بۆلێ ئەم چاڤەرێ ڤی سزایی نەبووین و نه‌چارین پێگیربن وب گورەیی یاسایێ چو کەسەک نەشێت نەرازیبوونێ پێشکێش بکەت، هه‌تا نوكه بتنێ یارییەک د یاریگەها مە دا مایە و دو یێن دیتر ژ دەرڤەنه، سزایا نە ئامادەبوونا جەماوەری د یاریگەها مە دا چو کارتێکرنێ ل تیمێ ناکەت ئەوژی بەرانبەر گازا باکورە ژبه‌ركو هەتا ڕادەیەکێ یارییەکا ب زەحمەت نابیت، هەردو یاریێن دی ژ دەرڤەیی یاریگەها مەنه ب تایبەتی بەرانبەر سەرکێشا خولێ دیفاع مەدەنی و حللە کو هەڤرکا مەیە دێ ب زەحمەتبن، ژ سەرجەمێ ئه‌ڤان سێ یارییان پێدڤی ب دو سەرکەڤتناینە داکو دەربازبین ژبەرکو تیما مە یا پێگەهشتیان خالەک ب دەستڤە ئینایە و یا لاوان دێ دو خالان ب دەستخوەڤە ئینیت، ئەڤچەندە دێ خزمەتەکا باش بۆ تیما مە کەت دا کو دەربازی قۆناغا چارگوشا زێرین ببین ژ خولێ و ئارمانجا مە ژی دەربازبوونە بۆ چارگوشا زێرین.
ناڤبری گۆت ژی: ب ڕێیا پەیوەندیان ئەو دێ داخازەکێ ژ فیدراسیۆنا باسکێت بۆلا ئیراقێ كو رازیبن ل سه‌ر ده‌ستڤه‌ئینانا هەتا ٥٠ کورسیان بۆ جەماوەرێ زاخۆ ئەوێ گەلەک نێزیکی یارییا باسکێت بۆلێ نە و رەفتارێن دویری گیانی وەرزشی ئەنجام نادەن.
