نەخۆشێن شەكرێ‌‌ یێن گولجیسكێن وان لاواز پتر شەبەكا چاڤێ‌‌ وان خراب دبیت

بەرپەرێ‌ ساخلەمیێ‌:

نەخۆشیا شەكرێ‌‌ كارتێكرنێ‌‌ ل شەبەكا چاڤی دكەت و دبیتە ئەگەر دەمارێن خوینێ‌‌ ل چاڤی دا شوین ببن، دەمارێن نوی نە د نورمالن و چپك چپك خوین ژێ‌‌ دهێت هەتا چاڤێ‌ وان تژی خوین دبیت، لێزەر بو دهێتەكرن هندەك پشتی لێزەرێ‌‌ چاڤێن وان باشتر لێ‌‌ دهێن، ئەوێن دباش نەبن ئەون یێن نەخۆشیا شەكرێ‌‌ هەین پتر ژ ١٠ سالا و رێژا شەكرا وان نەكونترول كری بیت .

د. هەڤال جەمیل یوسڤی، تایبەتمەندێ‌‌ نەخوشیێن چاڤان دیاركر نەخۆشیا شەكرێ‌‌ پشتی چەند سالەكا كارتێكرنێ‌‌ ل شەبەكا چاڤی و گولچیسكان دكەت، وگۆت: دەمێ‌‌ نەخوش قەستا مە دكەن، تیشكێ‌‌ بو شەبەكا چاڤێ‌‌ وی دگرین و ئەم تەماشە دكەینێ‌‌ كا چەند كارتێكرن ل شەبەكا چاڤێ‌‌ وی بوویە، هندی نەخۆش زوو بهێت بو چارەسەریا وێ‌ بساناهیترە و ئەنجامەك ژی دێ‌‌ هەبیت كو شەبەكا چاڤێ‌‌ وی دێ‌‌ باشتر بیت، لێ‌‌ ئەڤێن درەنگ دهێن كارتێكرن ل دەمارێن خوینێ‌‌ دبن و دەمارێن نوی تێدا شوین دبن، هەروەسان دەمارێن خوینێ‌‌ یێن نوو نە دنورمالن، هەروەكو دیوارێن وان دەمارا د رزینە و چپك چپك خوین ژبەر دهێت هەتا چاڤێ‌‌ وان تژی خوین دبیت، ل ڤێرە ب رێكا لێزەرێ‌‌ ئەم ڤان دەماران دكەوینین، رۆژ بو رۆژێ‌‌ دچرمسیت و دووماهیێ‌ نامینیت، یا گرنگ ل ڤێرە ئەوە پتریا وان نەخوشین ئەم لێزەرێ‌‌ بو وان چێدكەین، پشتی لێزەرێ‌‌ چاڤێن وان وەكی خوە دمینین و چاڤێن وان خراپتر لێ‌‌ ناهێن.
تایبەتمەندێ‌‌ نەخوشیێن چاڤان خویاكر، هندەك ژوان ئەوێن چاڤێن وان دهێنە لێزەركرن هێش باشتر لێ‌‌ دهێن، بەلێ‌، دیسان نسبەكا كێم ژ نەخوشان لێزەر فایدێ‌‌ وان ناكەت و رۆژ بو رۆژێ‌‌ چاڤێن وان خرابتر لێ‌‌ دهێن، وگۆت: چونكو ئەڤێ‌‌ كولێسترول و فشارا لەشێ‌‌ وان و شەكرا وان یا كونترولكری بیت یان دێ‌‌ چاڤێن وان مینن وەك خوە یان باشتر لێ‌‌ دهێن، بەلێ‌‌ ئەو نەخووشێ‌ كولێسترول و شەكرا وان و پەستانا وان بلند بیت و گولچیسكێن وان لاواز بن، پتریا وان سەرباركێن چاڤا بەردوام دبن و روژ ب روژ دیتنا وان كێمتر دبیت و مفای ژ لێزەرا تورا چاڤی وەرناگرن ئەڤە ئەون یێن درەنگ قەستا مە دكەن.
نەخوشێن شەكرێ‌‌ دچنە ل دەڤ نۆشداریە‌ تایبەتمەند ب شەكرێ‌‌ و پشكنینا دكەن، لێ‌ قەستا نۆشدارێن چاڤان ناكەن، هەتا رۆژەكێ‌‌ دبینیت چاڤێن وی تاری بووینە، دەما قەستا مە دكەت و تەماشە دكەینێ‌‌ كو چاڤێن وی تژی خوین بووینە، ل ڤێرە ژ قۆناغا لێزەرێ‌‌ دبوریت و پێدڤییە بچیتە دەڤ نۆشدارەكێ‌‌ تورا چاڤی و نشتەرگەریا شەبەكێ‌‌ بو بكەت، چونكو یێ‌‌ گەهشتیە قۆناغا دووماهیێ‌‌، ئەڤان نشتەرگەریا بو دكەن تنێ‌‌ دا چەند میتركا دیتنێ‌ بو بمینیت و هەر وەسا دا كو نەبیتە ئاڤا رەش.
د. هەڤال جەمیل دازانین رۆژانە ژ ١٥ نەخۆشێن نەخۆشیا شەكرێ‌‌ هەبیت دو هەتا سێ‌ پێدڤی ب لیزەرێ‌ دبن، وگۆت: چونكو پتریا نەخۆشێن شەكرێ‌‌ درەنگ قەستا مە دكەن، چەند نەخوشێن شەكرێ‌‌ قەستا نۆشدارێ‌‌ تایبەتمەندێ‌‌ شەكرێ‌‌ بكەت و پشكنینێن شەكرێ‌‌ دكەن، پێدڤی یە بهێن پشكنینا چاڤێن خوە ژی بكەن، سێ‌‌ روونشتنێن لێزەرێ‌‌ بو نەخۆشی دكەین، پشتی روونشتنا ئێكێ‌‌ دهێتەكرن یا لێزەرێ‌‌ یا دوێ‌‌ پشتی هەیڤەك و یا سیێ‌‌ پشتی هەیڤەكا دی یە، پاشان دیێ‌ چاڤدێریا نەخوشی كەین هەتا شەش هەیڤان، رۆژیێ‌ دو هەتا سێیان لێزەرێ‌‌ بو نەخۆشا دكەین، قەتران د دەینێ‌‌ و مقەوی بو شەبەكا چاڤی، ئەم دبێژینێ‌‌ پێدڤییە چاڤێ‌‌ هەوە ل كولسترول و پەستان و شەكرا تەبیت، نەخوشێن شەكرێ‌‌ یێن گولچیسكێن وان لاواز پتر شەبەكا چاڤێ‌‌ وان خراب دبیت، ئەڤ نەخوشیە پتردەڤ وان دیار دبیت ئەوێن پتر ژ 10 سالان نەخۆشیا شەكرێ‌ هەی.

کۆمێنتا تە