پێدڤیە وەفادار بین ل گەل سیابەند عەگیدی
سەرکەفت ڕەشید
تەپا پێی ل سەرانسەری جیهانێ نە بتنێ ئەنجام و گۆلن، بەلکو پرەنسیپ، وەفاداری و رێزگرتنە ل وان کەسێن کو رۆژەکێ ژ رۆژان دلێ جەماوەری خۆش کری، یا خویایە کو د ژیانا هەر یاریزانەکی دا، قۆناغێن دابەزینا بلند بوونا ئاستی هەنە، و ئەڤە یاسا و رێسایێن وەرزشێ و سروشتێ مرۆڤایەتیێ یە. لێ یا کو جهێ داخێ یە، ئەو لەزاتییە د «ئینکارکرنا باشییان» دا ژ لایێ هندەک کەسان ڤە وبتایبەت ل ناڤ جەماوەری، و پەیداکرن و دروستکرنا دوژمندارییەکا نەڕەوایە ل گەل یاریزانەکێ یان راهێنەرەکی یان کارگێرەکێ بۆ نمونە و دنوکە دا کاپتن (سیابەند عەگید) ئەو خزمەتا وی یا مەزن پێشکێشی درێسێ یانەیا دهۆک کری، بو نمونە ئەگەر بەرێ خو بدەینە دیرۆکێ و بیردانکا خوە نوی بکەن! ئەرێ هەوە ئەو وەرزێ زێڕین ژبیر کر دەمێ یانەیا دهۆک د هەمان وەرز دا هەڤڕکی ل سەر سێ بەرەیان ب هێز شەر دکر بۆ دلخوشکرنا پشتەڤانان ود قارەمانییا قارەمانێن کەنداڤی (أبگال الخلیج) و خول و کوپا عیراقێ دا، ل وی وەرزی سیابەند عەگید نە بتنێ پشکدار بوو، بەلکو ستوینەکا سەرەکی وموکم بوو. ئەو د پتریا یارییان دا یاریزانەکێ سەرەکی دهاتە دیتن و زێدەباری وێ چەندێ کو هنگاڤتن و برینێن وی گرنکتر نە بوون ژ ناڤێ و درێسێ دهۆکێ و رۆلەکێ ئێکجار گرنگ و ئێکلاکەر هەبوو د پاراستنا سەنگا تیمێ و ب دەستڤەئینانا کۆپا کەنداڤی و کۆپا عیراقێ دا، لەورا یا فەرە ئەم بێژین کو خوەدانێ وان دەستکەفتان یێ هەژی ڤێ هێرشێ نینە بەلکۆ یێ ژ هەژی پشتەڤانیێ یە بلا ئەم رەخنێ نەدانینە جهێ بریندارکرنێ، و رەخنەیا وەرزشی یا ئاڤاکەر مافەکێ رەوایە، لێ گوهۆڕینا وێ بۆ هێرشێن کەسۆکی و شکاندنا ئیرادەیا یاریزانی، چو خزمەتێ ب مال و خێزان ویانەیا دهۆک ناکەت. جەماوەرێ راستەقینە و دلسۆزێ «ئەلهوین چیا» ئەو کەسێ د رۆژێن سەخت و دژوار دا مل ب ملێ یاریزانێن خوە د راوەستیت و پالدەر بیت بۆ ڤەگەڕیانا وان بۆ سەر ئاستێ راستەقینە و سەرکەفتنان، نە یا ڕەوایە ب چ رێکا هێرش لسەر بهێتە کرن ئانکۆ د روژێن خوشیێ دا هێرش بکەنە سەر و د رۆژێن خۆشیێ دا چەپلا بۆ بقوتن، پەیاما مە دڤێت ئاراستە بکەین بۆ هێرشکەرێن یاریزانان ئەوە چەپەرێن وان کەسان نەشکێنن یێن کو رۆژەکێ ژ رۆژان هوین سەربلند کرین، و پشتەڤانییا هەوە یا ئەڤرۆ بۆ سیابەندی، دێ بیتە کلیلەک بۆ ڤەکرنا دەرگەهێن گرتێ و ڤەگەڕیانا وی ب هێزتر ژ جاران، یێ خوەدانێ ڤی روحیەتا مەزن و پاقژ بیت، دێ خودێ هاریکاریا وی کەت و زڤڕینیتە ڤە سەر ئاستێ وی یێ جاران ئەفجا پێدڤیە مروڤان کێم نەکەن، و بتایبەت ئەو مروڤێن د ناڤ هەوەدا و هین بهایێ وان نەزانن!