گرنگترین ئامار و رێكێن خوەپاراستنێ ژ پەنجەشێرا ستۆیێ مالبچووكی
بەرپەرێ ساخلەمیێ:
• پەنجەشێرا ستوویێ مالبچووكی ل رێزا چارێ یا پەنجەشێ{ێ، بەربەلاف دناڤ ژنان دا دهێت ل سەر ئاستێ جیهانێ، دهێتە پێشبینیكرن دورێن 604000 حالەتێن نوی هەبن و هژمارا مریان دگەهیتە پتری 342000 حالەتان سالانە.
• پتریا رێژا تووشبوونێ ب پەنجەشێرا ستوویێ مالبچووكی و مرنێ ل وەلاتێن خودان داهاتەكێ كێم و ناڤنجی پەیدادبن، ئەڤە ئاماژەیە كو یەكسانی د ڤاكسیندانانێ و خزمەتێن پشكنینا ستوویێ مالبچووكی و چارەسەریێ دا نینە، سەرەرای ئاستەنگێن ئابووری و جڤاكی.
• پەنجەشێرا ستوویێ مالبچووكی پەیدادبیت ژ ئەنجامێ تووشبوونێ ب ڤایرۆسێ وەرەما رووشالی یا مرۆڤان و ژنێن تووشی ڤایرۆسێ كێمبوونا بەرگریا لەشی دبن شەش جاران پتر تووشی پەنجەشێرا ستوویێ مالبچووكی دبن ب بەراوەرد دگەل ژنێن تووشی ڤایرۆسی نەبن.
• د شیاندایە ژ پەنجەشێرا ستوویێ مالبچووكی قورتال ببی، هەكە زوی هاتە دەستنیشانكرن و راستەوخو هاتە چارەسەركرن.
• ل هەمی وەلاتێن جیهانێ كار بۆ كریارا زوی كونترولكرنا پەنجەشێرا ستوویێ مالبچووكی دهێتەكرن، ل دویف سێ ئارمانجان كو ل بەرە هەتا سالا 2030 بهێنە بجهئینان.
زوودەستنیشانكرنا پەنجەشێرا ستوویێ مالبچووكی و چارەسەركرنا وێ د شیاندایە ژ پەنجەشێرا ستوویێ مالبچووكی قورتال ببی، هەكە زوی هاتە دەستنیشانكرن و راستەوخو هاتە چارەسەركرن و پشتی زانینا نیشانان و داخازكرنا شیرەتكاریا نۆژداری ل دۆر سەرەدەریێ دگەل مەترسیێن وی و پێدڤیە ل سەر ژنان هەكە ئەڤ نیشانە دیتن سەرەدانا نۆژدارەكێ تایبەتمەند بكەن:
• خوینبەربوونەكا نەسرۆشتی دناڤبەرا دەورێن هەیڤانە یان پشتی دەورێ یان پشتی پەیوەندیا سێكسی.
• زێدەبوون یان هاتنا بێهنەكا نەخۆش د دەرهاڤێژێن لەشێ وێدا.
• نیشانێن وەكو ئێشانا بەردەوام ل پشتێ یان پێیان یان كۆسكی.
• كێمبوونا سەنگی و نەمانا حەزا خوارنێ.
• وەرمینا پێیان.
