نەهـ پێدڤیێن بەری ئەنجامدانا پشكنینێن خوینێ
بەرپەرێ ساخلەمیێ:
ئەنجامدانا پشكنینێن خوینێ یێن سالانە یا فەرە بۆ پشتراستبوونا مرۆڤی ژ گەلەك نەخۆشیان:
ئێك: قەدەغەكرنا جگارەكێشانێ بەری ئەنجامدانا پشكنینێن خوینێ و دەستئاڤا زراڤ ب كێماتی دەمژمێرەكێ بەری ئەنجامدانا پشكنینان.
جگارەكێشان رێژا خوینێ ژلایێ خرۆكێن سۆر و سپی زێدەدكەت، لەورا ئەنجامێن پشكنینان د دروست نابن.
دو: خارن، پێدڤیە مرۆڤ بۆ دەمێ 8-12 دەمژمێرا بەری ئەنجامدانا پشكنینێن خوینێ خارنێ نەخۆت، هەژی گۆتنێ یە كو هندەك خارن هەنە دەستكاریێ ل ئەنجامدانا پشكنینان ناكەن وەكو 150گم فێقی و زەرزەواتی، بەلێ ل پشكنینا كولیسترولی پێدڤیە مرۆڤ ب كێمی 10دەمژمێرا خارنێ نەخۆت.
سێ: وەرزش، وەرزش و ماندیبوونا زێدە دەستكاریێ ل ئەنجامێن تێستێن خوینێ دكەن، لەورا پێدڤیە مرۆڤ رۆژەكێ بەری ئەنجامدانا تێستێن خوینێ خوە ژ وەرزشێ دووربێخیت.
چار: ڤەخارنا قەهوێ، یا باشە مرۆڤ قەهوێ شەڤا ئەنجامدانا پشكنینێن خوینێ نەڤەخۆت، چونكو قەهوە دەستكاریێ ل ئەنجامان دكەت و دەستكاریێ ل دلی و فشارا خوینێ دكەت.
پێنج: ب كارئینانا دەرمانێن هێزدەر بۆ دەمێ 10-14 ڕۆژان بهێنە ڕاوەستاندن، ئەڤ دەرمانە دەستكاریێ ل ئەنجامێن خوینێ یێن هەودانێ، پەنجەشێرێ و كێمخوینیێ دكەن.
شەش: تێكچوونێن دەروونی، پێدڤیە مرۆڤ خوە ژ تەشەنە و تێكچوونێن دەروونی دووربكەت بەری ئەنجامدانا پشكنینان.
حەفت: ڤەخارنا چایا گیالوكا، پێكهاتەیێن ڤێ چایێ دەستكاریێ ل تێستێن خوینێ دكەت نەخاسمە رێژا شەكرێ و چەوراتیێ.
هەشت: ب كارئینانا علكێ شرین بهێتە قەدەغەكرن، نەخاسمە بەری تێستێن خوینێ.
نەهـ: پەیوەندیێن سێكسی: كریارێن سێكسی پێدڤیە نەهێنەكرن 48 سعەتا بەری ئەنجامدانا تێستێن خوینێ، نەخاسمە تێستێن پرۆستاتا،چونكو كریارێن سێكسی رێژا هۆرمونێ پرۆستاتا گەلەك زێدەدكەت زێدەباری گۆرانكاریێن دناڤ خوینێ دا دهێنەكرن.
بەری ئەنجامدانا پشكنینێن خوینێ، پێدڤیە مرۆڤ شیرەتان ژ نۆشدارێ خوە وەربگریت، ئەف پشكنینە د فەرن بۆ پشراستبوونا ساخلەمیا مرۆڤی، بەلێ پێدڤیە ب دروستی بهێنەكرن.
