ئیراقێ خاترا خوە ژ كۆپا ئاسیا خواست
هەلبژاتیێ ئیراقێ خاترا خوە ژ هەڤڕكیێن كۆپا ئاسیا یا تەپا پێی خواست ئەوا نوكە یاریێن وان ل وەلاتێ قەتەر دهێنە كرن، پشتی د قۆناغا 16ێ دا بەرانبەر هەلبژارتیێ ئوردن خوسارەت بوویی ب سێ گۆلان بەرانبەر دو گۆلان، د یارییا واندا ئەوا دوهی ل یاریگەها خەلیفە یا نێڤدەولەتی ل پایتەختێ قەتەر دەوحە هاتییە كرن.
بڤێ سەركەفتنێ ئوردن د قۆناغا هەشتێ دا ل رۆژا ئەینییا بهێت دێ بەرانبەر هەلبژارتیێ تاچاكستانێ یاریێ كەت ئەوا ژلایێ خوەڤە گەهشتییە ڤێ قۆناغێ ب سەركەفتن ل سەر هەلبژارتیێ ئیماراتێ ئینایی ب لێدانێن پەنەلتییان 5-3 پشتی یاری ب گۆلەكێ وەكهەڤی ب دووماهی هاتی.
بۆ زانین شەش یاریزانێن ڕەڤەندا كورد ل ئۆرۆپا دناڤ رێزێن هەلبژارتیێ ئیراقێ دا نە ئەوژی مێرخاس دوسكی و یوسف ئەمین، ئاكام هاشم ، ئالان محیەدین، ئەحمەد عەلی و ئوسامە رەشید كو د بیتە جارا ئێكێ د دیرۆكا هەلبژارتیێ ئیراقێ ئەڤ رێژە پشكداربن.
