هەتا نوكە چو ستایلێن تایبەت نینن
موسا خالد:
شێوەكار (ئیلاف نعمان) كو نوكە قوتابیە ل قوناغا چارێ پشكا شێوەكاری ل پەیمانگەها هونەرێن جوان ل دهۆكێ، د دیدارەكێ دا بۆ رۆژناما ئەڤرۆ گۆت: كارێ هونەری بۆ من حەزەك بوو ژمێژە دناخێ مندا هەبوو، لەورا ئەز چومە پەیمانگەهێ و هەتا نوكە من پشكداری د پتر ژ دەه پێشانگەهێن شێوەكاری دا كریە و هیڤیا من ئەوە ئەز فێری گەلەك جۆرێن هونەری ببم، لەورا دەمەكە راهێنان ل سەر باشنڤیسیێ دكەم، هەروەسا دیزاینا جلكان ژی دكەم.
هەروەسا گۆت: من حەزا چێكرنا پەیكەران ژی هەیە و هەتا رادەكی دزانم، لێ وەكو ستایل بۆ چێكرنا كەڤالان هەتا نوكە من چو ستایلێن تایبەت نینن، لێ ب بۆرینا دەمی و پشتی پەیمانگەهێ ب دووماهی دئینم دێ من ستایلێ خوە یێ تایبەت ژی هەبیت، هەروەسا خویشكا من (هۆزان) ژی شێوەكارە و خێزانا مە گەلەك د هاریكار و پشتەڤاننن، لەورا هەردەم ئەز دبێژم مادەم خێزان دپشتەڤانن دێ دكارێ خوە دا ب سەركەڤین.
